لچہ: گلامی
لچہ کار: سلیم ناز
دی بلوچستان پوسٹ
درد پیشگاه ءَ نہ وپس اَنت دل ءَ تاپ دیاں
لج پادمال منی گیرت ءَ کد آپ دیاں
من مرادیگاں پہ جنگ ءَ، چون گِس ءَ واتر باں
سمبهگ پہ تو نوں ایبے مهپراں گوْاپ دیاں
تو پہ بازی وتی پهر مہ بند شان مہ کن
سنگراں نشتگاں بیلی پہ کساس ماپ دیاں
چونیں ڈکالے نہ روت سُتکگ وتن چو تین ءَ
شنگیں ماتانی گُشاں گوات ءِ سر ءَ سرْاپ دیاں
کلیں بدبهتی ءُ نیزگاری، سوب جوریں بداں
میر ءُ سردار ءُ نواب راج ءَ مدام ترْاپ، دیاں
شادءُشاتکامی کدی زیب ندنیتں پہ گلامیں راجاں
ماتکواهاں پلّیں در ءَ زند ءِ مراد چاپ دیاں
،
تئی تمردی ءُ لگوری ءَ جهان شرّ زانتیں
میتگ ءُ شهرانی توک ءَ کسهاں ساپ دیاں