شاری ءِ مھر پہ گُلزمین ءَ – چمروک بلوچ

نبشتانک: شاری ءِ مھر پہ گُلزمین ءَ

نبشتہ کار: چمروک بلوچ

دی بلوچستان پوسٹ

شاری ءَ انچوش گوں گُلزمین ءَ مھر اَت آئی ءِ بس واب ھمے بوتگ کہ من وتی جان ءَ پہ وتن ءَ ندر بہ کن آں ءُ وتی جان ئِے ندر کت پہ وتن ءَ، شاری ءَ سک باز جھد کتگ شاری یک زانتکاریں ءُ وانندگے بوتگ شاری ءِ مھراں شاری ءَ را یک انچیں منزلے ءَ سر کت کہ شاری ھجبر شموشتگ نہ بیت- شاری ءِ جھد پہ وتی آیوکیں پدریچ ءَ بوتگ شاری ءِ واھشت ھمیش اَت کہ من پہ وتی گُلزمین ءَ ندر بہ باں ءُ آئی ءِ واھشت سرجم بوت پہ وتی گّلزمین ءَ ندر بوت۔

شاری ءَ وتی راج ءِ بزگی ءُ گلامی دیست اے کدم چِست کت ئِے شاری ءَ دیست کہ مئے راج بزگ ءُ در پہ در اِنت ھمک ورنا گار ءُ بیگواہ بوگ ءَ اِنت مات ءُ گْوھارانی چم ارس ءَ پُر اَنت ائیدانی وشیں روچاں ھم پہ وتی سالونکیں بچاں گریوگ ءَ اَنت ھر روچ کسہ نوک بوھان اَنت-

شاری ءَ اے نچار اِت کہ من ءَ دو گْونڈیں زھگ ھست منی مِرگ ءَ پد گریو اَنت آئی ءَ اے ھم نچار اِت کہ من ءَ چہ پد منی کھول ءِ مردم ویران بنت آئی ءَ بس وتی گلزمین ءِ بابت ءَ جیڑ اِت ئِے شاری ءَ دگہ یک نامے ءُ داستانے نوک کت سھریں دْروت پہ اے مات ءَ کہ پہ مئے پھازگ ءَ وت ءَ کربان کت ئِے سھریں سلام اِنت اے مات ءَ شاری بلوچستان ءِ چیدگ اِنت شاری بلوچ راج ءِ شان اِنت شاری یک ماتے اَت پہ مات ءِ کربان بوت اگاں بلوچ وتی وت واجھی ءَ لوٹ ایت گڑا ھمے راہ ءَ بزور ایت ءُ پہ وت ءَ را پہ وتن کربان بہ کنت دژمن ءَ ھمے کلوہ ءَ سر بہ کنت کہ بلوچ پہ وتی سر زمین ءِ پھازگ ءَ وڑ وڑیں کدم چست کت کنت ءُ دژمناں پروش دات کنت اُستاد جنرل اسلم بلوچ ءِ کاروان راھی اِنت ءُ اُستاد ءِ پیش داشتگیں راہ ءَ گچین بہ کن اِت الم ءَ وتی منزل سر بہ اِت شما وت بہ جیڑ اِت کہ انی بلوچ آتکگ ءُ کجام ھال ءَ سر اِنت مات ءُ گْوھاراں بچار اِت کجام ھال ءَ اَنت وتی برات ءُ زھگانی واست ءَ کشکانی سر ءَ نشتگ اَنت زھرشانی کنگ ءَ اَنت اے بے دینیں ریاست ءَ ھچ بزگ نہ بیت مئے راج ءِ نودربر ءُ ورنا ھر روچ گار ءُ بیگواہ کنگ بنت مات ءُ گْوھارانی ارس ھون ءِ وڑ ءَ شل اَنت وتی برات ءُ زھگانی واست ءَ کہ ماں زندان ءَ بندیگ اَنت ءُ تھاریں کوٹیانی باھوٹ اَنت باید اِنت شاری ءِ پگر ھر بلوچ ءِ دل ءِ تہ ءَ بہ بیت شاری ءَ زندمان ءِ تہ ءَ ھچ ءِ کمی نہ بوتگ بَلے آئی ءِ پہ وتی سر زمین ءَ ءُ پہ وتی آیوکیں پدریچ ءِ بابت ءَ جیڑ اِت ئِے-

“شاری ابدمان اِنت”
“شاری نمیران اِنت”

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔