لوگ بانک ءِ دیمونی ءَ سر برز کتگ – ڈاکٹر ھیبتان بشیر

سَے شمبے ءِ روچ ءَ سندھ ءِ بنجاھی شھر کراچی ءَ چائنیز شھریانی سر ءَ وتکش تراک کنوکیں شاری بلوچ ءِ لوگ واجہ ءَ چاگردی رسانکجاہ ٹوئٹر ءَ وتی یک کلوھے ءَ گُشتگ من ءَ وتی لوگ بانک ءِ دیمونی ءِ سر ءَ پھر اِنت-

آئی ءَ وتی دو زھگ ءُ وتی لوگ بانک ءِ ھمراھی ءَ یک اکسے شنگ کتگ ءُ نبشتہ کتگ آئی ءِ زھگ پھرے ءَ رُد اَنت مزن بنت کہ آیانی مات یک جوانیں انسانے بیتگ-

ھمے وڑ دومی نیمگ ءَ چاگردی ترامجاہ ٹوئٹر ءَ مروچی جتا جتائیں آن لائن اسپیساں شاری بلوچ ءِ ستاشانی ءَ کنگ ءَ اَنت بلوچ، سندھی ءُ پشتون سیاسی باسکاں وتی ھیال ءُ لیکہ درشان کنان ءَ گوشتگ بلوچستان ءَ ریاستی زُلم ءُ زوراکیاں آپ سر ءَ سرگوستگ پمیشکا اے نوبت اتکگ –

بلوچ، سندھی ءُ پشتون راجدوستیں باسکاں وتی لیکھانی درشان کنان ءَ گوشتگ یک وانندگ ءُ سرپدیں زالبولے اے گامگیج ءِ زورگ ریاست ءِ واستا جیڑگ ءِ وھد اِنت آ پرچا اے راہ ءَ سرگپتگ-

آیاں وتی ھیالانی درشان کنان ءَ شاری بلوچ ءِ اے گامگیج ءِ سر ءَ پاکستان ایراد ءِ نشانگ کتگ اگاں پاکستان ءَ بلوچانی توار اش نہ کت گڑا اے گامگیج ترندی ءَ گوں برجاہ بنت-

بلوچستان ءَ ھوار یورپ ءُ امریکہ ءَ جھمنندیں بلوچ سیاسی باسکاں چاگردی رسانکجاہ ٹوئٹر ءَ گوشتگ کہ چین بلوچستان ءَ بلوچ راج ءِ منّگ ءَ ابید وتی شوربندیں دزکش بہ بیت-

بلوچ ورنا ءُ راجدوستیں پھناتاں اے گمان کنگ بیت چین ءِ شوربندی ماں بلوچستان ءَ مارا کمتری ءِ آماچ کنت-

زانگ بہ بیت بلوچستان ءِ تیابدپی شھر گوادر ءَ چینی شوربندیانی سر ءَ اودے مردم ھم وش نہ اَنت بازیں وھدے ءَ چہ زھرشانی کنگ ءَ اَنت-

زانگ بہ بیت گوستگیں روچ ءَ کراچی ءَ یک وتکش تراک کنوکے ءَ چائنیز شھریانی منی بس اُرش ءِ نشانگ کتگ اُرش ءِ زمہ واری بلوچستان ءَ پرکاریں بلوط سلاہ بندیں گل بلوچ لبریشن آرمی ءِ مجید بریگیڈ ءَ منّ اِتگ اَت چریشی ءَ سَے چینی شھری مرتگ اِت اَنت ءُ یک چینی ءِ زدگ بیگ ءَ ھوار پاکستان رینجرز ءِ دو کارندہ زدگ ءُ یک پاکستانی شھری ءِ مرتگ ات –

بلوچ لبریشن آرمی ءِ رد ءَ چائنیز شھریانی سر ءَ اُرش آیانی مجید بریگیڈ ءِ یک زالبولے باسک شاری بلوچ پنام ءِ برمش ءَ کتگ-

رسانکدراں گیشیں درشان ءِ شنگ کنان ءَ بلوچ لبریشن آرمی ءِ جارکش جیئند بلوچ ءَ گُشتگ کہ شاری بلوچ ءِ سیادی بلوچستان ءِ دمگ کیچ ءَ اِنت ءُ آ یک اسکولے ءِ ٹیچر بیتگ جارکش ءِ رد ءَ شاری بلقچ دو سال ءَ پیسر مجید بریگیڈ ءَ ھوار بیتگ-

شاری بلوچ ءِ سیاداں رسانکدراں گوں گپ کنان ءَ گوشتگ مہ شاری بلوچ ءَ زولوجی ءَ ماسٹرز ءُ وانگ ءِ تک ءَ ایم فلے کتگ شاری بلوچ ءِ دو زھگ اَنت آئی ءِ لوگ واجہ ھیبتان بشیر یک سرجنے –

اھوالکار واجد بلوچ ءَ جیونیوز ءَ گوں گپ کنان ءَ گُشتگ کہ مروچی کراچی یونیورسٹی ءَ وتکش تراک کنوکیں بمبار بلوچستان ءِ دمگ کیچ ءَ جھمنند  بیتگ آ یک گورنمنٹ ٹیچرے بیتگ شش ماہ ءَ پیسر آ وتی مرد ءِ گون ءَ کراچی ءَ شتگ کراچی یونیورسٹی ءَ ایم فل کنگ ءَ بیتگ آئی ءِ پت بلوچستان یونیورسٹی تربت ءِ رجسٹرار بیتگ آئی ءِ یک براتء تھسلدار اِنت یکے ڈپٹی ڈائریکٹر اِنت-

ٹوئٹر ءَ اُرشکار ءِ یک دگہ سیادے ءَ درانڈیھ ءَ نشتگیں بلوچ اھوالکار صدیق آزاد ءَ گوشتگ شاری بلوچ آئی ءِ نماسگ اِنت آئی ءَ وتی نماسگ ءِ اے گامگیج ءِ زورگ ءَ پھر اِنت صدیق بلوچ ءَ گُشتگ بلوچ وتی راجی آجوئی ءِ واستا گیش چوشیں دیمونیاں چک ءُ پد نہ بنت-

زانگ بہ بیت بلوچ لبریشن آرمی ءِ گیشتری وتکش ارش چائنیز نینشلز ءُ پاکستانی پورس ءَ نشانگ کنگ ءَ اَنت بلے زالبولانی تکاں اے اولی وتکش اِنت –

شاری بلوچ ءِ لوگ واجہ ھیبتان بشیر ءَ گُڈسر ءَ گشتگ شاری ھروھدی آئی ءُ زھگانی زندگی ءِ مزنیں بھرے بیت اِنت-