نبشتانک: سما بہ کن بریگیڈ ءِ سپاھیاں
نبشتہ کار: زیردان بلوچ
دی بلوچستان پوسٹ
وھدے کہ راجی زُرمبش وتی گُڈّی گاماں پہ دُژمن ءِ دیم ءَ شَھار دَیان ءَ روت، گُڑا پہ دُژمن ءَ ھر ھما گْرندوکیں توار ءِ جکسگ ءَ آئی ءَ را اِیمن ءُ بے تُرس بُوَگ ءَ نَیل اِیت کہ تو وتی بُنجلانی تَہ ءَ وش واب بِہ بَہ ئے-
بلوچ راجی آجوئی ءِ زُرمبش ءِ تَہ ءَ مجید بریگیڈ ءُ آئی ءِ پِدائیگیں باسک پہ دُژمن ءَ مزنیں بِیھارے (چیلنجے) بوتگ اَنت، چوش کہ مجید بریگیڈ ءِ جنگی کماندار سوھو ءُ زانتکار اَنت کہ پہ سرزمین ءِ موکگ ءِ ھاتر ءَ پِدائیگیں اُرش پہ گُلامی ءِ بدّیں زمزیلانی شیکّارگ ءَ ھَوار دُژمن ءِ پروش دَیگ ءِ واستا تْرندیں شهماتے کہ دُژمن بلوچ ءِ سرڈگار ءِ سر ءَ نِندگ ءَ پہ وت وتکُشی یے سرپد بِہ بیت۔
مروچی مجید بریگیڈ ءِ پدائیگیں باسکاں اِے ھبر مانا کُتگ ءُ لدیگیں دُژمن ءَ ھَوار تانسریں جَھان ءَ را پیشداشتگ کہ بلوچ ءِ لگُوریں دُژمن وتکُشی کنگ ءُ تچَگ ءَ ساڑی بیتگ، اَنچوش کہ گْوستگیں روچاں بلوچ ءِ سرڈگار ءِ سر ءَ دُژمن ءِ بازیں سِپاھیگے ءَ وتکُشی کُتگ ءُ بازینے تتکگ۔ اَنچوش شیر زالیں پدائیگ شاری مئے ءُ شُمئے دیم ءَ یک ابدامانیں جُست اِشت ءُ پہ مُجّتی ابدمان بوت۔
بانک شاری وتی توار بندے ءِ تَہ ءَ گْوش اِیت “بانکیں گوھار ءُ مکھیں ماتاں اِے ھما دْژمن انت کہ آئی ءَ بنگالی راج ءِ سر ءَ وتی تمامیں زُور ءُ زُوراکی کُتگ اَنت، مئے دْژمن نہ چار اِیت کہ ما زالبول، جنک ءُ کسانسالیگی چُک، گُڑا ما ءُ شما پرچا وتی براتانی ھمکوپگ مہ بَہ اِیں”۔
پدائیگیں شاری ءَ بلوچ جُنز ءُ چاگرد ءِ تَہ ءَ یک نوکیں تاکے گیش کُت، راجی راجدپتر گواہ اِنت کہ شاری بلوچ راج ءِ ھما شیرزالیں مات اِنت کہ آئی ءَ دُژمن ءِ ھِلاپ ءَ زالبُول پِدائیگیں اُرش ءِ بندات کنگ ءِ شرپ پہ وت گوں شیرزالی ءَ گچین کُت ، سرجمیں گیدی ءَ اِے جست اِشت کہ ما پرچا پِدا بُوَگ ءَ اِیں؟ شاران ءَ اِے ادارُکی واھِش ءُ وشّی نچار ات انت نَہ کہ بانک شاران وتی زاتی واھگ ءُ وشّی دیما آورت اَنت نَہ پہ راجی سِت ءُ نپانی ھاترا وتی لوگ جاہ ءُ کسان سالیں زھگ؟ اَگاں ما دُگنیا ءِ ھما راجانی سر ءَ کپتگیں جنگاں چار ءُ تپّاس بِہ کن اِیں، گُڑا مارا جَھانی راجدپتر پہ وانگ ءَ دز کپ اِیت کہ آھاں وتی راجی زندمان ءُ سرڈگار ءِ زِهینگ ءِ ھاترا اچ وتی تاکت ءَ چِہ مَستریں تاکت پیدائیگیں اُرشانی دیمپان کُتگ اَنت جھان ءِ تَہ ءَ اگاں ما جاپان ءِ جَنگ ءَ پہ درور بِہ زوریں، گُڑا جاپانی لشکر وتی راج ءُ سرڈگار ءِ پَھریزگ ءِ ھاتر ءَ دُژمن ءِ سر ءَ بےکساس پیدائیگیں اُرش کنت۔ آھانی تَہ ءَ جاپانی سِلاھبندیں سپاھیگاں ھَوار کمانڈوز ھم بھر زیر اَنت، چُوش کہ جاپانی نودربرانی ھم مزنیں بَھرے دُژمن ءِ ھِلاپ ءَ پدائیگ کن اَنت کِساس ھزارانی ھساب ءَ بَہ اَنت ءُ گُڈّی ءَ وتی راجی دُژمن ءَ پروش دَینت کہ جاپان ءِ سرزمین ءِ سر ءَ بے سوب ءُ پہ تچگ ءَ جاڑی بَہ اَنت ۔
اَگاں ما مروچی بیا اِیں بلوچ راجی آجوئی ءِ جُنز ءِ تَہ ءَ مجید بریگیڈ ءِ سر ءَ وتی نِگاھاں اِیر بِہ کن اِیں ءُ بہ چاریں، گُڑا مارا گِندگ ءَ کَیت کہ پِدائیگیں باسکانی کامیاتیں اُرشاں مروچی پدْر کُتگ ءُ پیشداشتگ کہ بلوچ ءِ دُژمن تھنا تاکت ءِ زبان ءَ سرپد بیت۔ پمیشکا ما بِزان اِیں کہ بلوچ ءِ بے مَتاہ ءُ کُنگریں بچ وتی ھیسی ئیں سرانی ندْر کنگ ءَ ھم چک ءُ پد نَہ اَنت بلوچ راجی پدائیگ ءُ جنگولیں سَراں لگوریں دُژمن گوں وتی راجی جبزگ ءُ مُھکمیں توکل ءِ ھمرائی ءَ پُروش داتگ ، مروچی بلوچ ءِ دُژمن بلوچستان ءَ پہ نندگ ءَ لپرّزگ بیتگ ءُ بلوچ پُسّگانی تُرس ءُ بیمّ ءَ لشکر ءِ دل ءَ جاہ کُتگ۔ وھدے کہ دُژمن چمّاں ھر گْور ءَ شانک دنت گُڑا آئی ءِ نِزّ ءَ ھر بلوچ پُسّگ راجی سپاھی ءُ پدائیگ اَنت اِے راستی ءِ گواہ دُژمن ءِ لگُوری اِنت ءُ دژمن ءِ لس مھلوک ءِ گرگ ءُ کم شرّپ کنگ ءَ ھوار نودربرانی گار ءُ بیگواہ کنگ ءُ ژانگولیں جونانی دَور دَیگ؟ چی ءَ کہ بلوچ ءِ دُژمن ءَ را پدائیگیں کُنگرانی بیمّ ءَ ھر نیمگ ءَ نَپسیاتی نادْرہ جوڑ کُتگ ، وتی بُنجلاں پہ نندگ ءَ جاڑی نَہ اَنت ، اَگاں بُنجلاں نِشتگ گُڑا چپ ءُ چاگرد ءَ ٹٹّ کنگ ءُ وتی بُنجل ءِ راہ ءُ درانی مَٹ کنّگ ءَ گوں گُلائش اِنت مروچی لگوریں دُژمن راہ گَوزی ئیں مردماں ھم پدائیگ سرپد بیت، چی ءَ کہ آئی ءِ دُژمن اِیوَک ءَ سلاھبندیں بلوچ نہ اَنت، بلکیں بلوچ راج اِنت ءُ دُژمن لس بلوچ ءَ وتی دُژمن سرپد بیت اَگاں ما بلوچ ءِ جنگ ءَ گوں اُرت نگاھی ءَ چارگ ءِ کوشست ءَ بِہ کن اِیں، گُڑا گْوستگیں روچ پہ لس بلوچ ءَ بیمّناک بیتگ اَت کہ دُژمن ءَ لس مھلوک جتگ ءُ کُشتگ یا بے مَیار ءَ زندانی کُتگ ھلک ءُ مِیتگ آس داتگ اَنت ،بلے وھد ءِ ھمراھی ءَ کُنگریں بلوچ پُسّگانی بے دروریں کُربانیاں دُژمن بیمّ ءِ آماچ کُتگ دُژمن ءَ پہ بلوچ ءِ سرڈگار ءِ سر ءِ نِندگ یک بیھار ءُ پاتراپے بوتگ۔ بلوچ ءِ لگوریں دُژمن مروچی وت ءَ مزن مزنیں بُنجلانی تَہ ءَ ھم وتی رَکینّگ ءَ دِلجم نہ اِنت اے مات ءِ ھما شاران ءُ تنگوئیں بچّ اَنت کہ چہ وتی سالونکیں سراں سرگْوستگ اَنت ءُ راجی آجوئی ءِ جنگ ءَ دُژمِن ءِ سر ءَ نپت ءُ بیر گْوارگ ءَ اَنت، اگاں انگت ما رسانکدر ءَ بیا اِیں بِہ گْوش اِیں کہ اے گنوک اَنت، ھو گنوکاں! من اے گپ ءِ منّوگِراں کہ گنوک اَنت، بلے ماتیں وتن ءِ گنوک اَنت، ھانُلیں سرڈگار ءِ مُرید اَنت، سمّوئیں گُلزمین ءِ مست، اے کُل بلوچ پِدائیگیں سر مچنڈانی ھما کُربانی ءُ ھَید ریچی اَنت کہ دُژمن ءَ را آئی ءِ بُنجلانی تَہ ءَ اُرش کُتگ اگاں ما پِدائیگیں اُرشانی سر ءَ چمشانکے بِہ دئیں گُڑا مارا مجید اَوّل ءِ رنگ ءَ گِندگ ءَ کَیت یا پاھو چُکیں شھید ھمید جان بہ بیت ءُ نتُرسیں درویش جان ءِ دروشم ءَ گِندگ ءَ کَیت، رِیھان جان ءُ رازک جان ءِ ھمبلانی بے مُلیں اُرش بِہ بَہ اَنت ، نوتک جان ءِ نتُرسیں بالاد گوں ھمراھاں بِہ بیت ، گوادر ءِ دلبند ءَ اسد جان گوں وتی بھادریں ھمراھانی رنگ ءَ بِہ باں یا نوک بَروتیں اُمرجان بِہ بیت ، گْوستگیں روچاں نوشکی ءُ پنجگور ءِ دلبند ءَ پِدائیگیں کُنگرانی ھما اُرش کہ پاکستان ءُ آئی ءِ ھمکار ءُ ھمراھاں پہ یک بِیھارے بیتگ کہ بلوچ راج ءَ گُلام دارگ ءُ بلوچ راج ءِ سرزمین ءِ مڈّیانی لُٹ ءُ پُل ءَ لانک بستگ ءُ اَتکگ۔
اے اُرشاں بلوچ ءِ دُژمن ءِ پادانی چیر ءِ زمین ھم پچ گِپتگ ءُ پہ وت ءَ راہ ءُ در پولگ ءَ اَنت کہ وتی واتر بُوَگ ءِ راہ ءَ گار مہ کن اَنت ءُ بازیں سپاھیگے پہ تچّگ ڈولدار بیتگ ، مروچی راجی جنگولاں دُگنیا ءَ را اے پَیام داتگ کہ بلوچ ءِ سرڈگار ءِ سر ءَ پنجاپی لشکر ءَ وتی کوزہ جتگ ، بلے بلوچ ءِ بھادریں ءُ نتُرسیں سراں وتی ھیسی ئیں سر دوست نداشتگ اَنت بلکیں دُژمن ءِ پروش دَیگ ءِ ھاتر ءَ مُھکمیں سَنگر گِپتگ ءُ نِشتگ اَنت۔
اے اُرش ھما تاکتاں پہ یک ترندیں کُلوھے کہ بلوچ راج گُلامی ءِ ھِلاپ ءَ وتی سرڈگار ءِ آجوئی ءِ ھاتر ءَ جنگ کنان ءَ پیداک اِنت، اَگاں کسے بلوچ ءِ تچکیں جُھد ءَ کُمکے کُت نہ کنت گُڑا بلوچ ءِ راہ ءِ ڈنگّر مہ بیت بلوچ راجی سروگاں ھر وھد ءَ ھما تاکتاں گوں دْز بندی کُتگ کہ کَوزہ گِیریں پاکستان ءِ اے ھاتر ءَ کُمک ءُ ھمکاری ءَ مہ کن اِت آ بئیت بلوچ ءَ وتی سرڈگار ءِ سر ءَ لگتمال بِہ کنت ءُ آئی ءِ راجی مڈّیانی لُٹّ ءُ پُل ءَ بِہ کنت چُشکہ مروچی چین بلوچ سرڈگار ءِ سر ءَ راستیں درورے کہ پاکستان ءَ گوں ھوار اِنت بلوچ ءِ سر ڈگار ءِ سر ءَ بلوچ ءَ کم شرپ کنگ ءَ ھوار بلوچ ءِ راجی مڈّیاں بے کساس ءَ کشّگ ءُ برگ ءَ اَنت مروچیگ یکرندے پد ءَ شاری ءِ گونگیں شیرزال ءُ راجی جنگولاں چین ءَ را اے پاتراپ داتگ ءُ گْوشتگ تو مئے سرڈگار ءِ سر ءَ گوں پاکستان ءَ ھوار بیتگ ئے، بِزاں بلوچ ءِ چُکچینی کنگ ءَ تئی راستیں دست ھوار انت، گُڑا بلوچ ءِ سرڈگار ءِ سر ءَ تو ھم وت ءَ رَکّینگ ءِ ھاتر ءَ دِلجم مہ بو ناکہ دِگہ تاکت چُشکہ گْوستگیں روچاں پد ءَ یکرندے کَوزہ گیر ءَ بلوچ ءِ مڈّیانی سودا گوں دری راجاں جتگ کہ آھانی تَہ ءَ کینڈا ءِ کمپنی بیرک گولڈ گِندگ بوتگ، بلے آ اِے ھاتر ءَ دلجم مہ بیت کہ نامگپتیں کُدوس بِزنجو ءِ وڑیں کاسّگ چَٹ ءُ پاکستان ءِ گْوستگیں سر وزیر ءِ کشّ ءَ اُوشتوک بیتگ ءُ شُما بلوچ ءِ سودا جنَگ ءِ ھاتر ءَ لانک بستگ ءُ تچان ءَ اَتکگ اِت، بلے اِے ھبر ءَ دلجم بِہ بَہ اِت کہ دری چونیں تاکت بئیت ءُ گوں پاکستان ءَ ھوار بِہ بیت ءُ بلوچ ءِ گَنجانی درکنگ ءَ گُڑا چین ھمے پاتراپانی دیمپان اِنت ھرکس جاڑِیگ بِہ بیت۔
اَگاں شُما لانک ءَ بند اِت ءُ کا اِت، شُمارا وتی تاکت ءِ سر ءَ پھر اِنت ءُ وتی راجی سیتانی ھاتر ءَ گوں پاکستان ءَ ھوار اِت بلوچ راج ءِ گُلامی ءِ زمزیلانی مُھکم کنگ ءَ چک پد نہ اِت ، گُڑا پراھاں اے کلوہ ءَ مَھتل نداراں کہ بلوچ راج ءَ را ھم وتی پُسّگانی سر ءَ پَھر اِنت کہ آ وتی ساہ ءُ جان ءَ چہ گُلزمین ءَ دوست نداشتگ، ناکہ شُمئے کُشگ ءُ تاچینگ ءَ وتن پَھازیں کُنگرانی دست لرز اَنت پمیشکا من گُڈّی ءَ پہ جزم گْوش آں کہ شاران تھنا نہ اِنت، اے ماتیں بلوچستان ءَ ھزاراں شاران ودی کُرتگ ءُ پہ ڈیھ ءِ پاسپانی ءَ جاڑِیگ اَنت –
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔