شاری ءِ برمش – میرو بلوچ

نبشتانک:شاری ءِ برمش

نبشتہ کار : میرو بلوچ

دی بلوچستان پوسٹ

نیمروچ ءِ وھد اَت رمس اپریل ءِ 25 اَت من گوں وتی زند ءِ جنجالاں دوچار کپتگ اِتاں اناگہ ءَ منی گوانکو ءِ وٹسپ ءَ برمش کت من ءَ ھِچ گمان نہ بیت کہ اے برمش انچیں ھالی ئیں برمشے کہ راجی جنز ءَ جتائیں رنگی بخشائیت ءُ راج دپتر ءَ ابدمان بیت ، من گوانکو دست ءَ کرت ءُ وٹسپی ءِ یک گروپی ءِ تہ ءَ ھالے دیست کہ کراچی شھر ءِ تہ ءَ تراکے ءِ آسرا لھتے چینی مرگ ءَ وتی دپار کتگ ، پد ءَ کمے دیر ءَ پد پاکستانی میڈیا ٹاہ کنگ بندات کرت کہ ٲرش کار زالبولے بوتگ کہ چینیانی گاڑی ءِ نزیک ءَ وت ءَ تراکینتگے، من ءَ پاکستانی میڈیا ءِ سر ءَ بروسہ نہ بوت پرچہ اے میڈیا مدام راستی ءَ پروش ایت ءُ پیش کنت-

پد ءَ اے وڑیں وئیلاں گیشتر مدام چیر دینت کہ ناپاکیں ریاست ءِ پروش دنیا ءِ دیم ءَ زاھر مہ بیت منی ھواری ءَ سرجمیں دنیا بگندے ھمے وئیل پشدر ءَ جیڑگ ءَ ات کہ اے اُرش کار باریں کئے بوت کنت ھمے بی ایل اے جارکش واجہ جیئند بلوچ ءَ جار جت ءُ اے ٱرش زمہ واری من اِت ءُ گُشت کہ اے اُرش مجید بریگیڈ ءِ جندندری آں کرتگ ءُ جان ندر کنوکیں پدائی بانک شاری بلوچ پنامِ برمش بلوچ بوتگ ، ھمے میان ءَ پدائی شاری بلوچ اکسے ھم شنگ کرتگ اَت ، اے ھال ءِ وانگ ءَ پد من دمانی ھشک ءُ ھیران بوتاں واجہ جیئند بلوچ ءِ جار ءَ پد اے ھال چو سیاہ گوات ءَ میان استمانی رسانکدراں شنگ ءُ تالان بوت ءُ انچیں پاھاری چست بوت کہ سرجمیں پنجاپ ءِ بالاد ءِ آس ءُ انگراں بوت-

بلوچ راجدپتر ءَ بازیں جنگانی تہ ءَ گھار وتی براتانی ھم کوپگ بیتگ اَنت ، بلے شاری بلوچ اولی شیر زال اِنت کہ استیں دؤر ءَ بلوچ راجی جُنز ءِ تہ ءَ وتی ھیشی سر ءَ ندر کنت ءُ پہ بلوچ راجی جنز ءَ نوکیں کشکے پلگار ایت۔

شیرزالیں برمش ءِ برمش انچش دور شت کہ سرجمیں جھان ءَ سر بوت ءُ تیوگیں دنیا بلوچ ءِ کلوہ ءُ لوٹ ءَ سرپد بیت-

شاری ءِ برمش ھَمُک بلوچ ءِ گوشان اِنت شاری ءِ برمش بزگیں ءُ درتگ پُچیں بلوچانی چیھال اِنت ، شاری ءِ برمش گار ءُ بیگواھیں برات ءُ گھارانی پریات اِنت ، شاری ءِ برمش کوھاں نشتگیں یاگی ءِ سرمچارانی تپنگ ءِ تیرانی برمش اِنت ، شاری ءِ برمش کودکیں تپلانی دلانی دریکگ اِنت ، شاری ءِ برمش مدام گون گلزمین ءِ مھلبیں ءِ کوش ءِشیکگاں شنگان کنت، شاری ءِ برمش جنگی لولی اِنت، شاری ءِ برمش مدام دژمن ءَ بیھار دنت، شاری ءِ برمش پہ دژمن ءِ کلاتاں تباھی اِنت ، شاری ءِ برمش انچوں ترند اَت کہ نام گپتگیں دوداں پروشان ات ءُ نوکیں کشکے رندان ات ، شاری ءِ برمش ءَ جنز ءِ دروشم مٹ کرت، شاری ءِ برمش راجدپتر ءِ تہ ءَ تاں ابد مانیت-
“شاری براتانی پاسبان “
“شاری بلوچانی پاسپان”

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔