ھُزدار: تیرگواری وئیل ءَ یک مردمے بیران بوتگ، زھرشانی ءَ شھدگ بند کنگ بوتگ

بلوچستان ءِ ضلع ھُزدار ءِ تھسیل وڈھ مروچی تیرگواری وئیل ءَ یک مردمے کشگ بوتگ-

سربوتگیں ھالانی رِد ءَ ھُزدار ءِ دمگ وڈھ ناشناسیں مردماں تیرگواری کتگ ءُ گل محمد شیخ کُشتگ-

وئیل ءَ پد کھول ءَ گل محمد شیخ ءِ لاش شھدگ سر ءَ ایر کتگ ءُ زھرشانی بندات کتگ-

چریشی ءِ آسر ءَ شال کراچی بُنجاھی شھدگ سرجمی ءَ بند بوگ ءَ چہ مزنیں کچے ءَ مساپر ءُ دگہ گاڑیانی لین لگ اِتگ- روچگ ءُ گرمی ءِ جاوراں دلسیاھی ءِ دیمپان-

کوش سوب انگت زانگ نہ بوتگ-