مند ءَ پاکستانی پوج ءِ سر ءَ اُرش کتگ ءُ دو کارندہ کُشتگ اَنت- بی ایل ایف

بلوچستان لبریشن فرنٹ ءِ جارکش میجر گْوھرام بلوچ ءَ وتی شنگ کتگیں درشان ءِ تہ ءَ گْوشتگ مند ءِ دمگ مولڑ شیراز ءَ سیمسر ءَ ٹٹ جنوکانی پھاوزکی ءِ ھاتر ءَ جوڑ کتگیں دو چوکیانی سر ءَ سرمچاراں گوں اسنائپر ءُ مزنیں سلاھاں گوں نشانگ کتگ اَنت، چریشی ءِ آسر ءَ دو پوج ءِ کارندہ مرتگ ءُ دو ٹپی بوتگ اَنت-

جارکش ءَ دیمتر ءَ گْوشتگ کہ اُرش ءَ پد زورگریں پاکستانی پوج ءَ جتا جتائیں نیمگاں بازیں مارٹرے آس داتگ اَنت-

میجر گْوھرام بلوچ ءَ گْوشتگ کہ زورگریں پوج ءِ سر ءَ اُرش داں زورگپتگیں بلوچستان ءِ وتواجھی ءَ برجاہ مان بنت-