پسنی: گیرکانودی ٹرالرانی تامُر جوڑ کنوکیں نودربر ترسینگ بیتگ

بلوچستان ءِ تیاب دپی دمگ پسنی ءَ گیرکانودی ٹرالرانی تامر ءِ جوڑ کنگ ءُ فشریز رویشانی سر ءَ گپ جنوکیں چربندن ءِ نودربر ساجد عمر بیھار دیگ ءُ ترسینگ بوگ ءَ اِنت –

دمگی مردمانی رِد ءَ زیکینیں مار ا زور دیگ بوگ ءَ انت کہ چاگردی رسانکدراں ھمے گپ ءَ شنگ کن ات کہ ساجد عمر ماژگی نادراھے – آئی ءَ گوشتگ کہ گیرکانودی ٹرالرانی پُشت ءَ زوراکیں ادارہ ءُ مردم ھوار انت اے دراہ انکوائری ءَ چہ رکگ ءِ ھاتر ءَ کنگ بوگ ءَ انت – پسنی ءِ دریا ورداں سرجمین بلوچستان ءِ نودربراں چہ لوٹ کتگ کہ وتی سنگتیں نودربرے توار جوڑ بہ بنت –

ھالانی رِد ءَ چربندن ءِ نودربر فشریز ءِ کارمندانی نیمگ ءَ ترسینگ ءِ کوشست کنگ بوگ انت –

نودربر عمر ساجد ءِ رِد ءَ آئی ءِ دزگیری ءَ دو ویگو گاڑی اتکگ انت بلے بازیں مردمانی ساڑی بوگ ءَ واتر بوتگ انت –

آئی ءَ گوشتگ کدی کدی یکشمبے ءِ روچ ءَ من وتی پت ءِ ھمراھی ءَ زِر ءَ شتگ انت اے زِر مئیگ اِنت ءُ مارا اشی ءَ پھازگ کنگ لوٹ ایت –

آئی ءِ گوشگ انت کہ گیرکانودی زِر ءَ سک باز تاوان دیگ ءَ انت –

دومی نیمگ ءَ حق دو تحریک ءَ اے کار ایر جتگ ءُ گوشتگ کہ حق دو تحریک چربندن ءِ راج ءُ ورناہ ءِ ھمبراہ انت ءُ پسنی ءِ یک ٹولی ءِ ھژدہ سال اِنت کہ دریا وردانی سر ءَ زوراکی کنگ انت ءُ ھمے ٹولی ٹرالرزاں ملام گرگ ءَ ھوار انت ھمے ھاتر ءَ مافیانی ترجمان جوڑ بوگ ءِ کوشست انت – آئی ءَ گوشتگ کہ ما ماھیگیرانی گوم ءَ اشتاتگ انت –