ندر پہ چاگی ءُ نوکنڈی ءِ بے میاریں بلوچانی نام ءَ
شائر: سلیم ناز
دی بلوچستان پوسٹ
اُو بلوچ نگن مرچاں تئی گوں زگریں هونان اِنت
هر گور کپاں چمّاں برات ءِ بڈ ءُ جونان اِنت
مشکلاں نہ گنداں کس پرس ءِ پتر ءَ پیچاں
شادکامی ءِ وهد ءَ میر ءُ هان گونان اِنت
کربلا ءِ میدان اِنت سرجمیں بلوچستان
هاکمیں یزیدانی چم ءُ دید دونان اِنت
دل چہ پیم نہ ترکتیں تپلاں گوانزگی گنداں
بے گناه شُتاں کبر ءَ ساه ءُ سر مئے رونان اِنت
کد بلوچ پہ تو کیتیں وشدلیں نوں باریگ ئے
مچکدگ تئی هامیں مئے شکژن گوں پونان اِنت
لبز ءُ کول بے مانا گوں مسام ءُ سوگنداں
دّزّ وَ رهبر اَنت مرچاں کور دید ءُ شونان اِنت
اوهے بات ترا پاری زند گوست پہ چمداری
ناّز کودکی وهدے گلھے تئی گونان اِنت