زندگی بس یک راھے ءِ مساپر اِنت
نبشتہ کار: شاھد اھمد
دی بلوچستان پوسٹ
زندگی ھاٹیگ ءِ نام اِنت وھدے کہ تو وتی زندگی ءِ تہ ءَ ھاٹی شموشت گڑا بزان کہ تو پَش کپتگ ئے اگاں تو وتی زندگی ءِ سپر شریں وڑے ءَ کارمرز کُت ءُ زند ءِ تہ ءَ یک منزلے ءُ مولے گچین کُت بزان ترا وتی منزل آسر گندگ ءَ کیت۔
تئی منزل چی اِنت؟ تئی سپر ءِ مول ءُ مراد بوت کنت؟ اے بابت ءَ پیسر ءَ ترا وتی جند وانگ لوٹ اِیت کہ تو کَے ئے ءُ تو پرچا اے دگنیا ءِ تہ ءَ شانتگ بوتگ ئے -آزادی گچین ءِ نام نہ اِنت تَھنا بلکیں گچین کتگیں راہ ءَ تو وت بہ شوھاز۔
شوھاز؟ گپ اد ءَ سر بوت کہ شوھاز چَہ کجا؟ بزان وت ءَ شوھاز! زندگی ءِ تہ ءَ وتی زند ءِ گْوازینگ ءِ واست ءَ بنی آدم ھر روچ یک راستیں راھے ءِ شوھاز ءَ در کپ اِیت بلے راہ ءِ راست ءَ نزانتی ءِ سبب ءَ وتی زند ءَ گار کَنت ءُ پد ءَ مار ایت ءُ پَشومان بیت میزان میزان ءَ سرپد بوھان بیت کہ اے راہ پمن ھزاب اَت بلے نی وتی گْوستگیں ردیاں چِہ وتی تہ ءَ تُرس ءَ بندات کنت۔
تُرس! اد ءَ گپ سر بوت کہ تُرس چہ کُجا؟ تُرس ردیاں چِہ درآیگ پَد گُمان بیت کہ زندگی ءِ ھاٹیگ ھلاس بوھان اَت ءُ منزل ءِ کِشک دور اِنت اے گُمان اِنت بنی آدم ءِ-
نزانتکاری تئی زندگی ءِ ردیاں گیش کنان کنت اگاں ناں تو پَنچ راھانی میانجی ءَ بزان اوشتاگ ئے ؟-
پنت ھردینکہ راہ ءِ گچین کنگ ءَ چہ پیسر ترا راہ ءِ بابت ءَ زانگ الّم لوٹ ایت کہ راہ ءِ آسر چی اِنت؟ ءُ ھر یک پَندے ءِ جَنَگ ءَ پیسر ترا وت ءَ شوھازگ لوٹ ایت کہ تئی سپر ءِ بنداتی آسر اِنت کہ ناں؟-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔