جاؤ ءَ خلیل ءِ سر ءَ بوتگیں اُرش ءِ زمّہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گوھرام بلوچ ءَ رسانکدراں رسانکدراں وتی شنگ کرتگیں درشان ءِ تہ ءَ جاؤ ءَ ریاستی کشندہ ٹولی ءِ سر ءَ بوتگیں اُرش ءِ زمّہ واری منّ اِتگ –

جارکش میجر گوھرام بلوچ ءَ وتی درشان ءِ تہ ءَ گوشتگ کہ مئے سرمچاراں چارشمبے ءِ روچ ءَ آواران ءِ دمگ جاؤ ءَ ریاستی کشندہ ٹولی ءِ کارمند خلیل ء ملا عبدالحق تراک ناکیں شوروانی نشانگ کتگ – آئی ءَ گوشتگ کہ جاؤ ءِ دمگ چرچری ءَ ریاستی کشندہ ٹولی ءِ باسک ریاستی چاریگ خلیل ء ملا عبدالحق ھما وھد ءَ تراک ناکیں شوروانی نشانگ کتگ کہ وتی پرپٹ ءِ سر ءَ روگ ءَ بوتگ چریشی ءَ آئی ءِ پرپٹ تراکناکیں شوروانی زد ءَ اتکگ ءُ پرپٹ ءِ دیم سیڈ تباہ بوتگ ءُ ریاستی چاریگ زدگ بوتگ –

جارکش میجر گوھرام بلوچ ءَ گوشتگ کہ خلیل ءُ آئی ءِ چُک جنگی کتکاریاں پاکستان ءِ پوج ءِ ھمراھداری ءَ کنگ ءَ انت اشی ءَ پیش آئی ءِ زھگ ھم نشانگ کنگ بوتگ – اے مردم بلوچ راجی آجوئی ءِ جھدے بگیری ءَ کار کنگ ءَ انت اشانی وتی نیٹ ورک ءِ ھم ھست انت کہ پوجی لشکر کشی ءِ ھمراھداری ءَ ھوار بلوچ سرمچارانی چاریگی ءُ دگہ چاگردی سلکاریاں ریاست ءَ گوں ھمکار انت –

آئی ءَ گوشتگ کہ ریاستی ڈیتھ اسکواڈ ءِ اے کارمند ءِ سر ءَ اُرش ءَ پد زورگیریں پاکستانی پوج ءَ دمگ ءِ سر ءَ مارٹر گولہ آس داتگ –

جارکش میجر گوھرام بلوچ ءَ گوشتگ کہ بلوچ راج ءُ بلوچ راجی آجوئی جھد ءَ ھمگرنچیں مردمانء چاریگری ءُ آھانی تاوان ءَ ھواریں ریاست ءِ کمکار ھم دژمن زانگ بنت ءُ کجام ھم وھد ءَ آھانی سر ءَ اُرش کنگ بیت اِنت –