بلوچستان لبریشن فرنٹ ءِ جارکش میجر گْوھرام بلوچ بلوچ ءَ ضلع کیچ ءَ پاکستانی پوج سر ءَ بوتگیں اُرش زمہ واری منّ اِتگ
جارکش ءَ وتی شنگ کتگیں درشان ءِ تہ ءَ گْوشتگ کہ بیست ءُ ھپت مارچ ءَ مئے سرمچاراں مند ءِ دمگ شیراز ءَ نیلگ کوہ ءِ سر ءَ ھستیں پاکستانی پوج ءِ چوکی گوں اسنائپر ءُ وتکاریں سلاھاں نشانگ کتگ- اُرش ءِ آسر ءَ دو کارندہ مرتگ ءُ دو ٹپی بوتگ اَنت-
میجر گْوھرام بلوچ ءَ گْوشتگ کہ اے اُرش داں بلوچستان ءِ وتواجھی ءَ برجاہ بنت-