بلوچستان ءِ جتاجتائیں دمگ ھُزدار ، ڈیرہ مراد جمالی ءُ شال ءَ جتاجتائیں وئیلانی آسر ءَ چار مردم بیران دو ٹپی بوتگ اَنت بیران بوتگینانی تہ ءَ جنین ھم ھوار اَنت-
سربوتگیں ھالانی رِد ءَ بلوچستان ءِ دمگ ڈیرہ مراد جمالی ءَ ناشناسیں سلاہ بندیں مردمانی تیرگواری ءَ چہ بیگ محمد بیران بوتگ صمدر خان ٹپی بیتگ-
بیران بوتگیں مردم ءِ لاش ءَ ٹپی بوتگیں مردم الاج ھاتر ءَ نادُراھجاہ ءَ برتگ ءُ لاش چار ءُ ٹپاس ءَ پد کھول دستیگ کتگ-
ھمے وڑ شال ءِ دمگ کچلاک ءِ کروٹ آباد ءَ دو جنک ءَ زھر وارتگ ءُ وتکشی ءُ پولیس وئیل جاہ ءَ سر بوتگ لاش چست کتگ ءُ نادُراھجاہ ءَ برتگ اَنت دوئینانی وتکشی سوب زانگ نہ بوتگ-
بلوچستان ءِ ضلع ھُزدار ءِ دمگ زیدی ءَ دو پرپٹانی میان ءَ ڈک ورگ ءَ چہ محمد ابراھیم ء قادر بخش گلامانی بیران بوتگ ءُ وھدے کہ محمد معراج ء عبدالرحیم لانگو ٹپی بوتگ-