سوراب پبلک لائبریری کمیٹی ءِ باسکاں وتی درشانے ءِ تہ ءَ گُشتگ کہ لائبریری مھلوک ءِ دیمروئی ءَ درستاں گیش ءَ جوانیں کرد ءَ پیلو کنت-لائبریری ھما جاہ اِنت دنیا ءِ ھما جاہ ءَ جوانیں انسان دیم ءَ اتکگ اَنت ھما رنگ ءَ یک نیزور جانیں مردمے ءَ توانمند بیگ ءَ وردن ءُ وراک درکار اِنت ھمے رنگ ءَ یک نیزوریں مازگے ءَ سرجم بیگ ءَ کتاب اژدری اَنت-
یک نبشتہ کارے ءَ کتاب دوستی ءُ لائبریری ءِ بستار ءِ درگت ءَ گپ کنان ءَ گُشتگ “من ھروھد ءَ اے سما کن آں جنت ءَ یک رنگیں لائبریری ءِ بیت اِنت “سوراب پبلک لائبریری ءِ بنھشت مروچی ءَ دو چہ سال پیسر ڈسٹرکٹ سوراب لھتے نودربراں کتگ کہ سوراب ءِ مھلوک ءُ ورنایانی واستا یک سوگاتے ءَ کم نہ اِنت، آیاں نودربرانی چیردستی ءَ سوراب ءِ ورنائیں نودربرانی مزنیں مھنتے کتگ لائبریری سرجم کتگ اے درگت ءَ نودربر، استاد ءُ ورنایانی تکاں کتاب دوستی ءِ منانکے داتگ ءُ لائبریری رژنا کتگ بلے داں انگت ءَ بس دو سال گوستگ سوراب لائبریری بند بیتگ – بند بیگ ءِ سبب جست کتگ گڑا سرپدی رس اِتگ لائبریری ءِ واستا سرکاری ھچ جاہ نیست اِنت – لائبریری پچ بیتگ گڑا ھما روچ ءَ ڈسٹرکٹ سوراب ءِ وانندگیں ءُ کتاب دوستیں تکاں وشی ءِ تالان بیتگ ما مزن واکدار ءُ ڈسٹرکٹ سوراب ءِ دراھیں زانت ءُ وانندگیں آفیسراں گوں دزبندی کن ایں آ سوراب پبلک لائبریری ءِ جیڑہ ءَ دلجمی ءَ بہ گشین اَنت اے جیڑہ ءَ زوت ءَ چہ زوت بہ گشین اَنت دانکہ نودربر ءُ ورناہ چوشیں سوگات ءَ زبھر بوت مہ کن اَنت-