27 مارچ بلوچ راجی دپتر ءَ سیاھیں روچے ءِ بستار ءَ زانگ بیت اِنت – بی ایس او آزاد

بلوچ اسٹوڈنٹس آزاد ءِ بنجاھی جارکش ءَ وتی شنگ کتگیں درشان ءِ تہ ءَ گُشتگ کہ بیست ءُ ھپت مارچ راجی دپتر ءَ سیاھیں روچے بستار گشان کتگ ءُ گوشتگ اے روچ ءَ پاکستانء زوردستاں بلوچ گلزمین ءِ سر ءَ زورانسری زورگری کتگ ءُ یک آجوئی یے ءُ بلوچ ڈیھ ءِ سر ءَ زورانسری کنان ءُ گلزمین زنجیراں بندیگ کتگ ءُ داں انگت ءَ زورگری اش کتگ –

آئی ءَ گُشتگ کہ بیست ءُ ھپت مارچ سال نوزدہ سد ءُ چِل ءُ ھشت ءَ یک بے بن ءُ گیر دودمانیں ریاست پاکستان ءَ زورانسری ءُ تاکت ءِ زور ءَ بلوچانی وت واجھی ءُ آجوئیں ڈیھ ءِ سر ءَ زورگری کتگ ءُ بلوچانی مڈیانی لُٹ ءُ پل بندات کرتگ آئی ءِ درچ روچ ء مروچی برجاہ اِنت – بلوچ راج ءَ پاکستانی زورگری ءِ بنداتی روچ ءَ نہ منّ اِتگ ایوک ناں روچ ء ھما روچی ءَ گھگیری ءَ کنگ ءَ اِنت اے پاکستانی زوراکی ءَ بگر داں روچ ءَ بلوچ راجی مڈیانی رستری ءِ رنگ ءَ پُلپھانچی ءِ ھواری ءَ دگہ دری میان اُستمانی تاکت ھم بھمیانک کتگ اَنت – دنیا ءِ دگہ زورگری ءِ رنگ ءَ وتی زور ءِ سرجم کنگ ءَ پاکستان ءَ بلوچ ء نسل کشی ءِ ھچ راہ یل نہ بیت ءُ بلوچستان ءَ انسانی ھکانی ناوشیں لگتمالی اَنت-

آئی ءَ گُشتگ کہ پاکستان زورگری ءَ پسر بلوچستان یک آجوئیں ڈیھے ءِ بستار ءَ دنیا ءَ منّگ بیتگ ءُ دومی جمھوری ڈیھانی رنگ ءَ ایوانِ بالا ءُ ایوان زیریں ڈیھی سُھول تران بیتگ اَنت وھدیکہ پاکستان ءِ آیگ ءِ گپ دیم ءَ اتکگ گڑا ایواناں گپ بیتگ ءُ گڑا اود ءَ پتر ءَ نندوکیں مردماں پاکستان ءِ گون ءَ ھوار بیگ رد کتگ – پاکستانی زورانسری ءِ دیم ءَ نہ جُکگ وتی آجوئی ءَ برجاھدارگ ءِ پُژدر ءَ پاکستانی زوردستاں تاکت ءِ زور ءَ کارمرد کنگ ءَ بیست ءُ ھپت مارچ نوزدہ سد ءُ چِل ءُ ھشت ءَ بلوچستان الگار کتگ ءُ بلوچ ء ڈیھ ءِ سر ءَ زورگری کتگ ھمے رنگ ءَ زوگری ءِ ھلاپ ءَ بلوچ راج ءَ اولی روچ ءَ گھگیری بندات کتگ داں انگت ءَ برجاہ اِنت-

وتی بیان ءِ درشان ءَ گشتگ اے روچ مارا سماہ دنت کہ ما یک آجوئیں راجے ءِ بستار ءَ زانگ بیتگ ءُ یک زورگری ءِ نیمگ ءَ مئے آجوئی ءِ سیمسر پروشتگ اَنت مارا گلامی ءِ زنجیراں بستگ مارا اے گلامی ءِ پروشگ ءِ واستا جد ءُ جھد کنگی اِنت دانکہ بلوچ ڈیھ یک رندے ءَ پد ءَ دنیا ءِ دیم ءَ پدر بہ بیت –