سانگان پاکستانی پوج ءِ سر ءَ بوتگیں اُرش ءِ زمّہ واری بی ایل اے ءَ منّ اِتگ

بلوچ آجوئی لوٹوکیں سلاہ بندیں گل بلوچ لبریشن آرمی ءِ جیئند بلوچ ءَ رسانکدراں وتی شنگ کرتگیں درشان ءِ تہ ءَ سانگان ءَ پاکستانی پوج ءِ سر ءَ بوتگیں اُرش ءِ زمّہ واری منّ اِتگ –

بی ایل اے ءِ جارکش ءَ وتی درشان ءِ تہ ءَ گوشتگ کہ مئے سرمچاراں نوزدہ مارچ ءَ شمبے ءِ روچ ءَ سبی ءِ دمگ سانگان سوئی ءَ زورگیریں پاکستانی پوج ءِ کارمندانی سر ءَ اُرش کُتگ –

جئیند بلوچ ءَ گوشتگ کہ سرمچاراں زورگیریں پاکستانی پوج ءِ سر ءَ ھما وھد ءَ دورجنگیں ءُ وتکاریں سلاھانی گوم ءَ اُرش کُتگ کہ آ پیادگ تر ءُ گرد کنگ ءَ بوتگ انت چریشی ءَ دژمن پوج ءِ دو کارمند ھما دمان ءَ مرتگ ءُ دو زدگ بوتگ انت –

جارکش جئیند بلوچ ءَ دیمتر ءَ گوشتگ کی اے اُرش ءِ زمہ واری ءَ مئے گل بلوچ لبریشن آرمی منّیت ءُ وتی مکسد ءِ سوبمندی ءَ دژمن پوج ءِ سر ءَ مئے اُرش برجاہ مان انت –