مجید برگیڈ ءِ اُرشانی ترس ءَ پھزداری لشکر شیوار کنگ بیتگ اَنت

مجید برگیڈ ءِ ناگتی اُرشانی پژدر ءَ سرجمیں بلوچستان ءَ پھزداری لشکر گیش ءُ شیوار کنگ بیتگ اَنت-

اے آئی جی آپریشن بلوچستان ءِ نیمگ ءَ آئی جی رینجرز، سی ٹی ڈی، آئی جی، ایف سی ءُ دگہ پھزداری لشکری ادارہ گیش کنگ بیتگ گمان کنگ بیتگ بیست ءُ سَے مارچ پاکستان ء روچ ءِ درگت ءَ بلوچ لبریشن آرمی ءِ نیمگ ءَ ترندیں اُرشانی گمان کنگ بیتگ اَنت –

پولیس ءِ رد ءَ بلوچ لبریشن آرمی ءَ مجید برگیڈ ءِ نیمگ ءَ شال کینٹ، مستونگ کینٹ، قلات کینٹ ءُ ھزدار ءَ پوجی کینٹانی سر ءَ اُرشانی گمان کنگ بیتگ اشی ءَ ابید جتا جتائیں پوجی بنجل ءُ ماڑیاں نشانگ کت کن اَنت-

اود ءَ پھزداری ءِ گامگیج ءَ کمشنر شال ءِ نیمگ ءَ شال ءَ دراھیں اسکولز آوکیں دو روچاں بند کنگ بیتگ اَنت بلوچستان یونیورسٹی ءَ ھم آؤکیں دو روچاں مکل ءِ جار جتگ –

انٹیلجنس ادارہ ءِ نیمگ ءَ بلوچستان ءَ آوکیں لھتے روچ باز ترسناک گوشتگ اَنت دراھیں آرمی بنجل ءُ ھیڈکوارٹرزانی پھزداری ترند کنگ بیتگ –

مروچی بلوچستان ءَ پھزداری ءِ واستا بلوچستان ءَ ترندیں گامگیج زرتگ ءُ پھزداری شیوار کرتگ اَنت ھمے وڑ سرکار ءَ بازار ءُ ریلوے اسٹیشناں ترندیں پَٹ ءُ پول ءُ پولیس شیوار کتگ –