وائس فار بلوچ مسنگ پرسنز ءِ زھرشانی بنجل ءَ چار ھزار ءُ شش سد ءُ ھشت روچ سرجم بیتگ، مروچی ھمدردی کنوکاں سیاسی ءُ چاگردی باسک نبی بکش بلوچ، دیدگ بلوچ، نوروز بلوچ ءُ دگہ ھوار بیتگ اَنت-
ھمے وھد ءَ وی بی ایم پی ءِ وائس چیئرمین ماما قدیر بلوچ ءَ گپ کنان ءَ گوشتگ کہ بلوچستان ءِ جاورھال بلوچ راج گمیگی ءَ ھوار اَنت، بلوچ مھلوک ءَ ھوار دگہ مھلوک ءِ سیاسی ءُ چاگردی مردم ریاستی ناشریانی نشانگ بیگ ءَ اَنت اے زوراکی رستریانی زمہ وار ریاست اِنت اے دراھیں زوراکیانی زمہ وار ریاست اِنت یک ڈولے ءِ شوربندی ءَ بلوچ نسل کُشی ءَ کنگ ءَ اِنت-
اے ریاستی لب ءُ لاچانی زوراکیاں ریاستی ڈیتھ اسکواڈ ھم چلگ اِنت ءُ مزنیں زوراں بلوچ راج ءِ تھی ریشگاں برگ اِنت نا اشی ءُ ایمنی جد ءُ جھد دارگ بیت ناکہ ریاستی نوک آبادی ءِ تاکتانی رستری دست چیر بنت بلوچ دنیا ءِ دیم ءَ اشاں در در کنت-
آئی ءَ دیمتر ءَ گُشتگ کہ بلوچ راج ءِ دست ءُ گوشیں پسگ ھونواریں کوشکارانی ریاستی پندلانی پژدر ءَ بلوچ راجی ایمنی جھد ءَ ھلاس کنگ ءِ پندلاں رواں ھمریشگ بنت-