پنجگور ءُ تمپ ءَ زورانسری آوار جنگ بوتگیں دو مردم یل کنگ بوتگ انت

سربوتگیں ھالانی رِد ءَ بلوچستان ءِ
دمگ تمپ ءَ بلوچستان شاھدربر جاہ ء نودربر ساری براھیم جاھمنند زامران ءُ ماہ ءَ پیسر ءَ بلوچستان ءِ دمگ پنجگور ءَ پاکستانی پوج ءِ دست ءَ زورانسری آوار جنگ ءُ بیگواہ بوتگیں ملک میران مروچی یل بوتگ ءُ وتی گِس ءَ سربوتگ انت –

ملک میران ءِ یل کنگے ھال ملک میران ءِ برات ءَ راست کُتگ گوشتگ کہ من درسیں مردمانی دل ءِ جھلانکیاں منت واراں آھاں ملک میران ءِ ھاتر ءَ توار چست کتگ –

آئی ءَ گوشتگ کہ ما امیت کنیں ھمے وڈ کہ مئے گِس ءَ وشی اتکگ ھمے وڈ درسیں بیگواھیں مردم یل کنگ بنت ءَ درسیں گساں وشی کیت انت –

ھمے وڈ بلوچستان ءِ دمگ تمپ سرنکن بیست ءُ سَے دسمبر دوھزار ءُ بیست ءُ یک ءَ پاکستانی پوج ءِ دست ءَ زورانسری آوار جنگ ءُ بیگواہ بوتگیں ساری ء براھیم ھم مروچی یل بوتگ ءُ وتی گِس ءَ سر بوتگ –

ساری ءِ یل بوھگے ھبر بیگواھیں مردمانی پانکجنیں گل وائس فار بلوچ مسنگ پرسنز ءَ راست کُتگ –

زانگ بہ بیت ملک میران ھپت فروری ءَ پنجگور ءِ دمگ عیسیٰ ءَ چہ جند ءِ گِس ءَ زورانسری آوار جنگ ءُ بیگواہ کنگ بوتگ –