سے ماہ ءَ پد ھم برات ءِ پہ سلامتی دراھگ ءِ ودار ءَ ایں- نازیہ اکبر

زورانسری آوار جنی ءِ نشانگ بوتگیں عامر بلوچ ءِ گھار نازیہ اکبر بلوچ ءَ گْوشتگ کہ آئی ءِ برات ءِ زورانسری آوار جنی ءَ سے ماہ سرجم بوتگ بلے تنی وھدے آ آجو نہ بوتگ-

نازیہ اکبر ءَ گْوشتگ کہ آئی ءِ برات عامر ء اکبر پاکستانی پوج ءِ کارندھاں بلوچستان ءِ ضلع لسبیلہ ءِ تحصیل حب گڈانی ءِ نزیک ءَ ھما وھد ءَ آوار جتگ ءُ بیگواہ کتگ وھدے کہ منی برات وتی کار ءَ دلگوش بوتگ-

نازیہ اکبر ءَ گْوشتگ کہ سے ماہ ءَ گیش بوتگ مئے مزنیں برات عامر اکبر ءُ دراھیں لوگ ءِ بچکندگ پچ گپتگ اَنت ما زھرشانی جتائیں جتائیں دروشم ءَ کتگ بلے حکومت ءِ نیمگ ءَ مارا گوشدارگ نہ بیتگ-

زانگ بہ بیت عامر اکبر ءِ کھول ءَ بھتام جتگ کہ عامر اکبر ءَ سے ماہ ءَ ساری حب چوکی گڈانی نزیک ءَ یک پٹرول پمپے ءَ چہ دمگی پولیس ءِ کارندھاں دزگیر کتگ ءُ چیریں ادارھانی دست ءَ داتگ چریشی ءَ پد عامر ءِ ھچ وڑیں ھال نیست –

بیگواھیں عامر بلوچ ءِ کھول ءَ حکومت ءُ انسانی ھکانی ادارھاں گوں دزبندی کتگ ءُ گْوشتگ کہ ما عامر ءِ پہ سلامتی یل کنائینگ ءِ ھاتر ءَ یکرندے پد ءَ اے ادارھاں گوں دزبندی کن ایں مارا انساپ بدے اَنت-