نبشتانک: بساک
نبشتہ کار: مہگونگ بلوچ
دی بلوچستان پوسٹ
من بساک ءِ نام اوّلی رند ءَ ماں بساک ءِ دومی کونسل سیشن ءَ اِش کُت پرچہ کہ منی دوازده جماعت کیچ ءَ سرجم بوت ءُ اے وھد ءَ ناں کیچ ءَ بساک ھست اَت ءُ ناں من ءَ گوں رسانکدار ءَ هاسیں نزدیکی ھست اَت ءُ پَد ءَ چِد ءُ دیم من وتی وانگ ءُ زانگ ءِ هاترا بلوچستان ءُ سندھ ءَ ڈن شُت آں آنگو هم بساک نیست اَت پمیشکا من بساک نام بساک ءِ دومی کونسل سیشن ءَ اِش کُرت کہ آئی ءِ تہ ءَ بانُکیں سبیہ بلوچ کماش گچین کنگ بوت-
ایشی ءَ پَد من بساک ءِ نام ھر وھد ءَ اِش کُت کہ پرچا اے وھد ءَ من ءَ گوں رسانکدر ءَ نزیکی بوت ءُ پد ءَ بساک وتی دومی کونسل سیشن ءَ رند شریں وڑے ءَ دیم ءَ اَتک آئی ءَ سرجمیں بلوچستان ءَ هوار سندھ ءُ اے دگہ دمگاں وتی هنکین جوڑ کرت اَنت-
من ءَ چوناھیگا بی ایس او (آزاد) ءَ رند هچ بلوچ نودربر گَلانی سر ءَ بیسہ نہ بوتگ پرچا کہ آ وتی کارانی مستر وت نہ بوتگ اَنت دْرست وتی ماس پارٹیانی گپانی سر ءَ چل اِتگ اَنت بی ایس او (آزاد) ءَ رند بلوچ اسٹوڈنٹس ایکشن کمیٹی بلوچ نودربرانی هما گَل اِنت کہ وتی پیسلھاں وت کنت ءُ وتی کارانی مستر وت اِنت بساک ءَ هرچ دابیں کارانی کنگ ءَ کسّی اجازت نلوٹ ایت پمیشکا من ءَ بساک ءِ سر ءَ بیسہ اِنت-
بساک ءِ لھتیں کار من ءَ سک باز دوست بوتگ اَنت اولی کار اِش اِنت کہ بساک ءَ وتی سئے ماھی تاک “نوشت” ءِ شِنگ کنگ ءِ جار جَت پَد ءَ هم آ بلوچی ءُ براھوی زبان ءَ چِدو وشتریں گپ کُج اِنت من بساک ءِ یک ءُ دو نوشت ونتگ من ءَ باز دوست بوتگ اَنت پرچا سرجمیں چیز گوں بلوچ ءِ زندمان ءَ بندوک بوتگ اَنت ھر سرھال بلوچ ءِ سر ءَ بوتگ-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔