اسلام آباد ءَ بلوچ نودربرانی زھرشانی ئیں بُنجل تُرندیں ھَور ءَ اَبید سیمی روچ ءَ برجاہ، اھوالکار ءُ انسانی ھکانی باسک بُنجل ءَ اَتکگ ءُ نودربراں یکجھی ءِ درشان کتگ اِت –
اسلام آباد پریس کلب دیم ءَ بلوچ نودربر کونسل نیمگ ءَ چہ بیگواھیں نودربر حفیظ بلوچ ءَ ھوار دگہ بلوچ نودربرانی زورانسری آوار جنی ءِ بگیری ءَ برجم دارگ بوتگ-
زانگ بہ بیت حفیظ بلوچ گوستگیں ماہ ءَ خضدار ءَ چہ آوار جنگ ءَ پد بیگواہ کنگ بوتگ، حفیظ بلوچ ءِ سنگتاں اے بھتام جتگ کہ حفیظ ءِ زورانسری آوار جنی ءَ پاکستانی پوج ءِ کاردار میجر مرتضیٰ نامیں مردمے ھوار اِنت-
بیگواھیں نودربر حفیظ بلوچ ءِ زورانسری آوار جنی ءِ زھرشانی ءِ دْرچ برجاہ ءَ اِنت،
بلوچ اسٹوڈنٹس ایکشن کمیٹی ءِ نیمگ ءَ بلوچستان شھدربرجاہ اسلام آباد ءَ زھرشانی ءَ نشتگیں نودربراں گوں دلپدردی ءُ یکجھی دروشم ءَ پیس واک برجم داشتگ-