کیچ: وتی دوستیگیں مردمانی یل کنائینگ ءِ ھاتر ءَ کھولانی زھرشانی

تربت ءِ دمگ ھوشاپ ءِ بیگواھیں مردمانی یل نہ کنگ ءُ آھاں زاھر نہ کنگے بگیری ءَ آھانی کھولاں زھرشانی کتگ ءُ دگ ءِ سر ءَ نندانک جتگ ءُ نشتگ انت چریشی ءَ سی پیک دگ ءَ رؤگ آیگ بند بوتگ –

ھوشاپ ءِ زھرشانی کنوکاں ماہ ءَ پیش پوج ءِ دست ءَ زورانسری آوار جنگ بوتگیں ناصر ء دوستین، مراد بخش ء عبدالرحمن، پسن چار شمبے ءِ وش ءُ سلامتی یل کنگے لوٹ کتگ – زھرشانی کنوکانی رِد ءَ آھانی دوستیگیں مردماں ماہ ءِ پرگوستگ بلے انگت زاھر کنگ نہ بوتگ انت ناکہ مار ءَ اے گوشگ بوتگ کہ آھاں چی کُتگ –

ھوشاپ ءَ سی پیک دگ ءِ سر ءِ نندانک ءِ سوب ءَ ھردو نیمگ ءَ گاڑیانی لین لگتگ وھدیکہ ھوشاپ ءِ مردماں چدوپیسر ھم وتی دوستیگیں مردمانی یل کنائینگے ھاتر ءَ سی پیک دگ ءِ سر ءَ زھرشانی کتگ ءُ نندانک جتگ –

زھرشانی کنوکاں لوٹ کتگ کہ سیاسی پاٹی ءُ سوبائی سرکار آھانی دوستیگیں مردمانی یل کنگ ءُ آھانی زاھر کنگ ءَ وتی کرد ءَ پیلو بہ کن انت-