بلوچستان ءِ دمگ شال ءَ بمب تراکے ءِ سبب ءَ کرائم برانچ ءِ ڈی ایس پی اجمل ءَ ھوار سَے کارندہ بیران بیتگ اَنت ءُ نوزدہ زدگ بیتگ اَنت-
پولیس ءُ کانوندار تراک جاہ ءَ سر بیتگ اَنت، چمدیستگیں مردمانی گپاں یکجاہ کنگ بندات اش کتگ داں انگت ءَ گیشیں ھال اش شنگ نہ کتگ اَنت-
پولیس ءِ رد ءَ فاطمہ جناح روڈ ءُ کش ءُ گوتی دمگانی رو ءُ آیگی راہ بند کتگ اَنت –
زانگ بہ بیت بیست ءُ پنچ فروری ءَ رودراتکی شھدگ ءِ نزیک ءَ ناشناسیں مردمانی تیرگواری ءَ یک اسسٹنٹ سب انسپکٹر ے ءَ ھوار دو پولیس کارمند بیران بیتگ اِت اَنت-
آئی ءِ زمہ واری تحریک طالبان پاکستان ءَ من اِتگ اَت – مروچی بیتگیں بمب تراک ءِ زمہ وارہ تنی وھدی کس ءَ نہ زرتگ-