تربت سول سوسائٹی ءِ کنوینر گلزار دوست ءِ سروکی ءَ بیگواھیں مردمانی یل کنگ،بلوچ سیکورٹی فورسز ءِ دست ءَ زورانسری آوار جنی، بلوچستان ءَ نشہ ءِ شنگ ءُ تالان ءُ لینڈ ریکوزیشن ایکٹ درچ ءَ بلوچستان ءَ زمینانی سر ءَ وفاقی ادارھانی زورانسری آوار جنی ءِ ھلاپ ءَ چہ تربت ءَ داں شال ءَ پادشپاد ءَ روانک یکشمبے ءَ بیست ءُ ھپت فروری ءَ تربت داں شال ءَ رھادگ بیتگ-
شال ءِ رھادگ ءَ پیسر رسانکدراں گوں گپ کنان ءَ آیاں گوشتگ بلوچستان ءَ یک نہ کُٹوکیں زورانسری آوار جنی ءِ بندات بیتگ کہ چریشی ءَ ھزارانی کچ ءَ مردم بیگواہ اَنت ءُ اے درچ انگت ءَ داں برجاہ اَنت –
آیاں گوشتگ کہ منشیات یک پندلے ءِ درچ ءَ سرجمیں بلوچستان لس کنگ بیتگ -چریشی ءَ سرجمیں نسل تباہ ءُ برباد اِنت بلے اشی ءِ ھلاپ ءَ ایکشن زورگ ءَ ابید گیش تالان کنگ بیتگ بلوچ ورناہ تباہ کنگ بیگ ءَ اَنت-
آیاں گوشتگ کہ انگریزانی سیاھیں کانون لینڈ ریکوزیشن ایکٹ ءِ سبب ءَ بلوچستان ءَ بلوچانی زمیناں زورانسری برگ بندات بیتگ اَنت اے ھچ رنگ ءَ منگ نہ بیت اِنت-
زانگ بہ بیت چریشی ءَ پیسر بیگواھیں مردمانی واستا پرکاریں گل وائس فار بلوچ مسنگ پرسنز ءَ زورانسری آوار جنگ ءِ ھلاپ ءَ شال داں اسلام آباد ءَ پند ءَ روانک کش اِتگ-
تربت ءَ سول سوسائٹی ءِ کنوینر کامریڈ گلزار دوست ءِ نیمگ ءَ وتی یک ھمراھے زبیر بلوچ ءِ ھمراھی ءَ روانک بندات کتگ اے پندی روانک دومی تراج پندیں روانک اِنت-