بلوچستان ءِ بُنجاھی شھر شال ءَ دو جتائیں وئیلانی آسر ءَ شش چُکاں ھوار ھپت مردم ٹپی وھدے کہ یک مردمے بیران بوتگ-
شال ءِ دمگ نواں کلی ءَ گیس سنلڈر تراک ءَ چہ شش چُک ءَ ھوار ھپت مردم ٹپی بوتگ اَنت پہ دوا درمان کنگ ءِ ھاتر ءَ سول نادُراھجاہ ءَ برگ بوتگ اَنت-
وھدے کہ شال ءَ ھزارہ ٹاون ءَ یک مردمے ءَ گُٹ سادے مان کتگ ءُ وتکشی کتگ ئِے، وتکشی کنوکیں ورنائے پجّار عرفان ء محمد حسن نام ءَ چہ بوتگ-
لاش چیھپا ایمبولینس ءِ سر ءَ بی ایم سی نادُراھجاہ ءَ برتگ ءُ وتکشی سوب زانگ نہ بوتگ-