روسی پوج ءِ دیمپانی ءِ واستا یوکرینی فوجی ءَ وت ءَ پُھل ءَ گوں تراکینتگ

یوکرین ءِ یک پوجی ءَ روس ءِ ٹینکانی دارگ ءِ ھاتر ءَ پیش گامی کنوکیں پوجیانی دیم ءَ یک پُھلے ءَ گوں تراک ءَ وت ءَ تراکینتگ –

یوکرین ءِ سلاہ بندیں پوج ءِ جنرل اسٹاف ءَ رسانکدراں گوں گوشتگ کریمیا ءِ نیمگ ءَ یوکرین ءَ آوکیں پوج ءِ دارگ ءِ ھاتر ءَ یوکرینی پوج ءِ سپاھی وٹلی سکاکوم ءَ بھادری ءَ گوں وت ءَ پھل ءَ ھوار وتکش تراک ءَ تراکینتگ –

زانگ بہ بیت گوستگیں سَے روچاں روسی لشکر یوکرین ءَ سر بیتگ ھمے وڑ یوکرین ءِ بازیں جاھاں جنگ برجاہ اِنت –

یوکرینی جنرل ءَ یوکرین ءِ پوج ءِ بارو ءَ گیش گپ کنان ءَ گوشتگ کہ ھنچش روسی پوج پھل ءَ گوزگ ءُ یوکرین ءَ پترگ ءِ جھد ءَ بیتگ اَنت گڑا مئے سلاہ بندیں پوج ءِ یک سپاھی ءَ بھادری ءَ آ داران کتگ ءُ وتکش تراک کتگ-

روسی پوج ءِ دارگ ءِ واستا وتکش کنوکیں پوجی کارمند ءِ برات ءَ میان اُستمانی رسانکدراں گوں گپ کنان ءَ گوشتگ کہ منی برات ءَ وت ءَ شوروانی تراک ءَ پیسر من ءَ گوں پون ءَ گپ کنان ءَ ناگتی ءَ یک تراکے بیتگ –