شال: ناشناسیں سلاہ بندیں مردمانی تیرگواری سَے پولیس کارمند بیران

سربوتگیں ھالانی رِد ءَ مروچی آدینگ ءِ روچ ءَ بلوچستان ءِ بنجاھی شھر شال ءَ ناشناسیں سلاہ بندیں مردمانی تیرگواری ءَ سَے پولیس کارمند مُرتگ انت –

تیرگواری ءِ وئیل بوسہ منڈی چار راہ ءَ بسم اللہ ھوٹل ءِ دیم ءَ بوتگ –

تیرگواری ءَ چہ بیران بوتگیں کارمندانی پجار کانسٹیبل علی اصغر، اے ایس آئی رحمت اللہ ءُ ڈریور قربان علی ءِ ناماں چہ بوتگ انت کہ سول نادراھجاہ ءَ سر کنگ بوتگ انت –

تنی وھدی زانگ نہ بوتگ کہ کجام سوب ءَ اشانی سر ءَ اُرش بوتگ ءُ ناکہ اے اُرش ءِ زمہ واری منّگ بوتگ –