نیشنل ڈیموکریٹک پارٹی ءِ بنجاھی رھشون زورانسری بیگواہ کنگ بیتگ، پارٹی رھشوناں ھال راست کُتگ۔
زورانسری بیگواہ بیتگیں مردمے پجار ڈاکٹر محمد جمیل ء جمعہ خان جلیانی کھیتران ءِ نام ءَ بیتگ کہ بلوچستان ءِ دمگ بارکھان ءَ چہ آئیکارگس ءَ بیگواہ کنگ بیتگ۔
این ڈی پی ءَ ڈاکٹر جمیل ءِ زورانسری بیگواھی ءِ ھال راست کنان ءَ گُشتگ کہ ڈاکٹر جمیل ناشناسیں مردماں آئی کارگس ءَ دزگیر کنگ ءَ پد گوںوت بُرتگ کہ چریشی ءَ پد آئی درگت ءَ ھچ پئیمیں اھوال نہ رستگ۔ آھاں گُشتگ کہ ڈاکٹر جمیل ءِ یل کنائنگ ءِ باوری کنگ ءِ دزبندی کُتگ۔
پولیس ءِ ردءَ آھاں بیگواہ بیتگیں ڈاکٹر ءِ زورانسری بیگواھی ءِ اھوال سربیتگ کہ چریشی ءَ پد ایف آئی آر نبشتہ کنگ بیتگ۔ پولیس ءِ گُشگ اِنت کہ اے درگت ءَ گیشتر گامگیج زیرگ بیت ءُ اگں دیمروی بہ بیت گُڑا کھول ءَ سرپدی دیگ بیت اِنت۔