بلوچستان ءَ تیرگواری ءِ وئیلاں سَے مردم بیران بوتگ انت

بلوچستان ءِ دمگ ھزدار، نوشکی ءُ شال ءَ تیرگواری ءِ وئیلاں سَے مردم بیران بوتگ انت –

دی بلوچستان پتر ءَ سربوتگیں ھالانی رِد ءَ بلوچستان ءِ جتا جتائیں دمگاں تیرگواری ءِ وئیلاں سَے مردم بیران بوتگ انت –

تیرگواری ءِ اولی وئیل نوشکی ءَ دیم ءَ اتکگ کہ زمینی جیڑہ ءِ سر ءَ سلاہ بندیں مردماں تیرگواری کتگ سعید جان ء میر جنید جاھمنند کلی جمالدینی کُشتگ ءُ تتکگ انت –

دومی وئیل بلوچستان دمگ ھزدار مولہ ءَ دیم ءَ اتکگ کہ سلاہ بندیں مردماں روستم خان ء محمد علی ڈائیہ تیرباران کُتگ کُشتگ –

ھمے وڈ بلوچستان ءِ بنجاھی شھر شال ءَ مشرقی بائی پاس ءِ تیرگواری ءِ وئیل ءَ حاجی خان نامی مردمے بیران بوتگ –

ھزدار ءُ شال ءَ بوتگیں وئیلانی درگت ءَ گیشی سرپدی نہ رستگ کہ کجام سوب ءَ مردم کُشگ بوتگ انت –