اللہ رکہ یل کنگ بہ بیت ءُ مارا اے ماژگی ازابی ءَ چہ رکینگ بہ بیت – کھول

بلوچستان ءِ دمگ شاہ آباد ءَ چہ زورانسری آوار جنگ بوتگیں اللہ رکھہ ءِ کھول ءَ آئی ءِ یل کنگے لوٹ کُتگ گوشتگ کہ اللہ رکھہ یک کنگ بہ بیت ءُ مار ءَ ماژگی ازیت ءَ چہ رکینگ بہ بیت –

ھالانی رِد ءَ بلوچستان ءِ دمگ تربت آبسر ءَ بلوچی بازار (شاہ آباد) ءَ یانزدہ اگست سال دوھزار بیست ءُ یک ءَ پاکستانی پوج ءَ اللہ رکھہ ء سید محمد زورانسری آوار جتگ ءُ بیگواہ کتگ – کھول ءِ رِد ءَ ما ھمے امیت ءَ نشتگ بوتگ کہ مئے دوستیگیں مردم یل کنگ بیت اتنت بلے شش ماہ پرگوستگ اللہ رکھہ ءِ ھچ ھال بود نیست –

آھانی گوشگ ات مار ءَ اے ھمگ گوشگ بوھگ ءَ نہ انت کہ آ کجام ھال ءِ تہ ءَ انت ما ایشی ءَ ھم نزانیں کہ کجام سوب ءَ آوار جنگ بوتگ اے وڈ ازیت جاھاں بندیگ کرتگ آھانی گوشگ ات کہ اللہ رکھہ ءِ زورانسری آوار جنی ءَ سرجمیں کھول ءِ زند ازاب ءِ تہ ءَ گوزگ انت -.

آھانی گوشگ ات کہ ما گریبیں کھول ءَ چہ سیادی داریں ءُ مئے گور ءَ انچو کلدار ھم نیست کہ ما بیگواھیں مردمانی پانکجنیں بنجل ءَ بروئیں یا وتی دوستیگیں مردم ءِ یل کنائینگ ءَ آمیدگس ءَ وتی ارزی ءَ سر بکنیں –

آھانی گوشگ ات کہ ما پاکستان ءِ مزن وزیر، پاکستان ءِ مزن آمیدگس، انسانی ھکانی ادارہ ءُ اھوالکاراں چہ دستبندی کنیں آ مئے توار جوڈ بہ بنت مئے دوستیگیں مردمے یل کنگ ءَ وتی کرد ءَ پیلو بہ کن انت –

آھاں دیمتر ءَ گوشتگ کہ ما وائس فار بلوچ مسنگ پرسنز ءُ دگہ بلوچ گلاں چہ لوٹ کنیں کہ اللہ رکھہ ءِ درگت ءَ توار چست بہ کن انت ءُ آئی یل بکنائین انت –