پنجگور: دو مردم بیگواہ، چاگردی رسانکجاھاں اکس شنگ

بلوچستان ءِ دمگ پنجگور ءِ ھند پروم گیشتی ءَ گوستگیں روچ ءَ دو مردم آوار جنگ ءَ پد بیگواہ کنگ بیتگ اَنت –

دمگی مردمانی رد ءَ ھردوکیں مردم پاکستانی پوج ءُ ڈیتھ اسکواڈ ءِ کارمنداں آوار جتگ ءُ گوں وت برتگ اَنت – آوار جنگ بیتگیں مردمانی پجار حمید ء مرید ءُ مھمد رھیم ء قادر بکش ءِ ناماں زانگ بیتگ اَنت –

آوار جنوکاں ھردوکیں مردمانی اکس چاگردی رسانکجاھاں شنگ کتگ اَنت – دمگی مردمانی رد ءَ ھردوکیں مردم ھما وھد ءَ آوار جنگ بیتگ اَنت کہ باگ ءَ کار ءَ بیتگ اَنت-

بلوچستان ءَ اشی ءَ پیسر ڈیتھ اسکواڈ ءِ دستاں آوار جنگ بیتگیں مردمانی اکس شنگ بیتگ اَنت – بلوچ سیاسی پھناتانی گوشگ اِنت اے ڈیتھ اسکواڈ پاکستانی پوج ءُ چیریں ادارھانی کارمندانی کمک ءِ گون اِنت چریشی ءِ سبب ءَ آیانی سر ءَ ھچ کانونی کاروائی کنگ نہ بیت اِنت-