لالیگا فٹبال گوازی برجاہ، پریمئیر لیگ ءَ مانچسٹر یونائیٹڈ ءُ ولووز ءَ گوازی کٹ اِتگ انت

اسپینیش فٹبال لیگ لالیگا ءَ دوشی شپ ھشت ٹیمانی میان ءَ گوازی کنگ بوتگ کہ آھانی تہ ءَ اسپینیول ءُ سلویا ءَ یک یک گول ءَ دیمیگ بوتگ انت ءُ بارسلونا ءَ ویلنسیا ءِ دیم ءَ چار پہ یک گولے ءَ، رئیل بیٹس ءَ ملورکا ءِ دیم ءَ دو پہ یکے، ایٹلیٹک کلب ءَ رئیل سوسائیڈ دیم ءَ چار گولاں گوازی کٹ اتگ انت –

دومی نیمگ ءَ پریمئیر لیگ فٹبال گوازی ءَ یکشمبے ءِ روچ ءَ چار ٹیمانی میان ءَ گوازی کنگ بوتگ کہ آھانی تہ ءَ مانچسٹر یونائیٹڈ ءَ چار پہ دو، ولووز ءَ دو پہ یک گولے ءَ گوازی کٹ اِتگ انت –

پریمئیر لیگ ءِ اولی گوازی مانچسٹر یونائیٹڈ ءُ لیڈز یونائیٹڈ میان ءَ بوتگ کہ ھردو ٹیمانی لیبیاں جوانیں لیب پیش داشتگ لیڈز یونائیڈ نیمگ ءَ چہ دو گول اسکور کنگ بوتگ کہ لیڈز ءِ لیبی رودریگو ءُ رافینہا ءَ داتگ انت وھدیکہ مانچسٹر یونائیٹڈ لیبی ایچ.میگیورے، بی.فرنندس، فریڈ ءُ ای.ایلنگا ءَ یک یک گولے اسکور کتگ ءُ گوازی وتی ٹیم ءِ نام ءَ کتگ –

دومی گوازی ولووز ءُ لسسٹر سٹی ءِ میان ءَ بوتگ کہ ولووز ءَ دو پہ یک گول ءَ گوازی کٹ اِتگ – ولووز ءِ نیمگ ءَ گوازی ءِ بندات ءَ نھمی ملٹ ءِ تہ ءَ لیبی آر.نیوز ءَ یک گولے اسکور کُتگ پدا لسسٹر سٹی ءِ نیمگ ءَ چہ چِل ءُ یکمی ملٹ ءِ تہ ءَ اے.لقمان ءَ گول ءِ اسکور کُتگ ھردو ٹیم یک یک گول ءَ دیمیگ بوتگ انت کہ دیر نگوستگ ات کہ ولووز ءِ نیمگ ءَ چہ دومی گول اسکور کنگ بوت کہ لیبی ڈی.فوڈنس ءَ شست ءُ ششمی ملٹ ءِ تہ ءَ دات – پدا دانکہ گوازی گڈسر ءَ ھچ نیمگ ءَ گول اسکور کنگ نہ بوتگ ءُ ھمے وڈ وولوز ءَ یک گول ءَ چہ لسسٹر سٹی ءَ باج بُرت –