چہ اوتاک مکران ءِ نیمگ ءَ دو کتابانی شنگ کنگ ءِ چن ءُ لانچ

الم بوانیت

لبزانکی تاک اوتاک مکران ءِ نیمگ ءَ دو تاک بندانی شنگ ءِ جار پرینگ بیتگ کہ ھمے زوتاں وانوکاں سر بنت-

اوتاک مکران ءَ وتی شنگ کرتگیں جار ءَ گُشتگ کہ دو کتاب کہ ھمے زوتاں چہ اوتاک مکران ءِ نیمگ ءَ شنگ بیگی اَنت کتابانی تہ ءَ ورنائیں شائر گلاب گوھر ءِ شیرانی کتاب “پیریں نوبت ءِ ھمساھگ (ڈیھی) ءُ بلوچی زبان ءِ ندکار اے آر داد ءِ نبشتگیں تاک “عطاءَ گوں دیوانے ” زوت شنگ کنگ بنت-

آئی ءَ وتی جار ءَ گُشتگ کہ اے ھردوکیں کتاب چہ اوتاک مکران ءِ نیمگ ءَ چھاپ بیتگ ءُ ھمے زوتاں وانوکانی دستاں بنت-

زانگ بہ بیت بلوچستان ءَ لبزانکی گلانی نیزوری ءُ ابید ءِ کمکاں نبشتہ کار ءُ شائرانی کتاب نادلسری ءَ شنگ ءُ چھاپ بیگ ءَ اَنت –

اے تک ءَ لبزانکارانی گوشگ اِنت کہ بلوچی زبان ءَ جوانیں ادارہ ءِ نہ بوگ ءِ سبب ءَ اے درچ ءَ لبزانکار ءُ شائرانی پہ وتی نکانانی چھاپ ءُ شنگ کنگ ءَ بازیں وھد پکار بیت اِنت ءُ ھمے سبب اِنت کہ شائرانی کتاب ھما کمی نیزوری ءِ سبب ءَ وھد وھد ءِ سر ءَ چھاپ بوگ ءَ اَنت-

نوکتریں