شال: وی بی ایم پی ءِ رھشوناں میڈیکل نودبرانی زھرشانی بنجل ءَ شُتگ ءُ پدردی درشان کتگ

بلوچستان ءِ بنجاھی شھر شال ءَ پریس کلب ءِ دیم میڈیکل نودربرانی وتی ھکانی لوٹ ءَ زھرشانی برجاہ انت –

بلوچستان ءَ بیگواھیں مردمانی پانکجنیں گل وائس فار بلوچ مسنگ پرسنز ءِ سرکماش نصراللہ بلوچ، کمک سرکماش ماما قدیر بلوچ ءُ نودربر رھشون ڈاکٹر ماھرنگ بلوچ بنجل ءَ شُتگ آھانی گوم ءَ دلپدری درشان اتگ ات –

ھمے وھد ءَ نصراللہ بلوچ ءَ گوشتگ کہ سرکار ءِ نیمگ ءَ میڈیکل کالج ءِ نودربرانی رجسٹریشن کنگ ءَ وتی کرد پیلو کنگ وشیں گپ یے ھمے امیت ءَ داریں سوبائی سرکار نودربراں ھمراھ داری ءَ یل نہ کنت –

زانگ بہ بیت بلوچستان میڈیکل نودربر گوستگیں بازیں روچاں ریڈ زون ءَ زھرشانی انت ھمے میان ءَ آھاں شُدکشیں زھرشانی ھم کُتگ بلے پد ءَ سوبائی سرکار ءِ گوشگے پد ءَ آھاں شُدکشیں زھرشانی ھلاس کُتگ وتی بنجل پریس کلب ءِ دیم ءَ بُرتگ –

بلوچستان سرکار ءِ جارکش ءِ رِد ءَ وزیر اعلی عبدالقدوس بزنجو سوبہ ءِ سَے میڈیکل کالج ءِ نودربرانی جیڑہ زرتگ ءُ اسلام آباد ءَ شُتگ ءُ ھمے زوتاں جیڑہ گیش ءُ گیوار کنگ بنت –