بلوچستان لبریشن فرنٹ ءِ جارکش میجر گھرام بلوچ ءَ پاکستانی پوج ءِ سرءَ اُرشانی زمہ واری زرتگ ءُ گُشتگ کہ شمبے ءِ روچ ءَ سرمچاراں پنجگور ءِ چتکان بازار ءَ پوجی ھیڈکوارٹر ءِ سنگر ءِ سرءَ دستی بمب ءِ دار داتگ کہ سنگر ءِ تہءَ ترکیتگ کہ اِشی سوب ءَ یک کارمند ءِ مُرتگ ءُ یکے ٹپی بیتگ۔
ھمے پئیم ءَ آدینگ ءِ بیگاہ ءِ ادار ھپت ءُ چل ءَ گوادر ءِ چِپ ریکانی بستگیں پوجی کیمپ ءِ بنجاھی دروازگ ءِ سیما پھازگ ءّ ھاترءَ اوشتاتگیں کارمندانی سرءَ وتکاریں سلاھاں گوں اُرش کُتگ، کہ اِشی سوب ءَ یک کارمندے مُرتگ۔
جارکش ءَ گُڈسرءَ گُشتگ کہ اے اُرش داں زیردستیں بلوچستان ءِ آجوئی ءَ برجاہ مان اَنت۔