کوھلو ءِ جھمنندیں ورنا چہ کراچی ءَ بیگواہ

سربوتگیں ھالانی رِد ءَ سند ءِ مزن شھر کراچی ءَ پاکستانی پوج ءَ بلوچستان ءِ دمگ کوھلو ءِ جھمنندیں ورنا زورانسری آوار جتگ ءُ بیگواہ کُتگ – زورانسری آوار جنگ بوتگیں ورنا ءِ پجار چارگل ءِ نہال شاہیجہ مری ءِ نام ءَ چہ بوتگ –

اھوالکار ءِ رِد ءَ اے ورناہ پاکستانی پوج ءَ نُھ فروری ءِ سھب ءِ ادار نُھ ءِ میان ءَ پاکستانی پوج ءَ کراچی ءِ دمگ چہ گلشن میمار ءَ آوار جتگ – ورناہ کوھلو ءِ جھمنند اِنت وتی کار ءِ ھاتر ءَ کراچی ءَ شُتگ بوتگ کہ زورانسری آوار جنی ءِ آماچ بوتگ –

زانگ بہ بیت ھمے ھپتگے اے دومی وئیل انت اشی ءَ پیسر بلوچستان ءِ دمگ پنجگور جاھمنند معراج ھم پوج ءَ کراچی ءِ دمگ رئیس گوٹ ءَ آوار جتگ –

دومی نیمگ ءَ بلوچستان ءِ جتا جتائیں ھند ءُ دمگاں پاکستانی پوج ءَ تنی وھدی سِی مردماں گیش آوار جتگ ءُ بیگواہ کتگ انت ءُ چار مردم کُشتگ انت –