پنجگور بنجل ءِ دستیگی ءَ شست ءُشش ادار سرجم، یک دگہ پدائی ءِ شھید – بی ایل اے

بلوچ لبریشن آرمی ءِ جارکش جئیند بلوچ ءَ رسانکدراں وتی نوکتریں درشان ءِ تہ ءَ گوشتگ پنجگور برجاھیں زورگیریں پاکستانی پوج ءِ بنجل ءَ سَے روچ انت کہ مجید برگیڈ ءِ دستیگ انت – گوستگیں شست ءُ شش ادارانی تہ ءَ پلوچ پدائیاں دژمن ھر رند ءَ پد کنزینتگ ءُ وتی دستیگی برجاہ داشتگ –

جارکش ءَ گوشتگ کہ مروچی سھب ءَ پاکستانی پوج ءَ برزی کمک ءَ بنجل ءِ سر ءَ اُرش کتگ بلے پدائیاں گوں آھاں سک باز جنگ داتگ ءُ مزنیں کچ ءَ جانی تاوان داتگ ءُ پدکنزینتگ انت – اے میڑ ءَ یک دگہ بلوچ پدائی ءِ شھید بوتگ ءُ ایندگہ پدائیاں بنجل ءِ سر ءَ مھکمی ءَ گوں وتی دستیگی برجاہ داشتگ- ھشتاد ءَ گیش دژمن پوج ءِ کارمند کُشتگ انت – اے درگت ءَ گیشتریں ھال زوت شنگ کنگ بنت –