بلوچستان: چمن ءَ بمب تراکے ءَ دو لیویز کارمنداں ھوار شش کس زدگ بیتگ اَنت

چمن ءَ یک بمب تراکے ءَ دو لیویز کارمنداں ھوار شش کس زدگ بیتگ اَنت –

ھالانی تہ ءَ گوشگ بیتگ ناشناسیں مردماں چمن ءِ ھند روغانی دگ ءَ لیول کراس ءَ لیویز ءِ چیک پوسٹ ءِ سر ءَ دزبمبے چگل داتگ ءُ تتکگ اَنت –

لیویز بنشون ءِ رد ءَ ناشناسانی بمب تراک ءِ آسر ءَ دو لیویز کارندہ ءُ چار رھگوزی زدگ بیتگ اَنت –

لیویز بنشون ءَ گوشتگ کہ سلاہ بندانی کچ پنچ مردم بیتگ اَنت ءُ آیاں ناگتی چیک پوسٹ ءِ سر ءَ بمبے چگل داتگ ءُ اود ءَ دو لیویز کارمند ءُ چار رھگوزی کہ یکیں کھول ءِ مردم گوشگ بیگ ءَ اَنت زدگ بیتگ اَنت-

تراک ءَ پد دمگ پھزداراں انگیر کرتگ ءُ اُرشکارانی پَٹ ءُ پول بندات کرتگ-

تراک ءَ زدگ بیتگیں مردم نادراہ جاہ ءَ برگ بیتگ اَنت، تراکے زمہ واری تنی وھدی ھچ گل ءَ نہ منّ اِتگ –