پنجگور ءَ ایف سی ءِ بنجل ءِ سر ءَ مجید برگیڈ ءِ دستیگ کنگ ءَ دو روچ سرجم، بولان ءِ اُرش ءِ زمہ واری ءَ منّ ایں – بی ایل اے

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ بی ایل اے مجید برگیڈ ءَ چِل ءُ ھشت ادار انت کہ پنجگور ایف سی بنجل ءِ سر ءَ مھکمی ءَ گوں وتی کبزہ برجاہ داشتگ – مجید برگیڈ ءَ دو فروری بیگاھے ادار ھشت ءَ دو جتائیں یونٹ نوشکی ءُ پنجگور ءَ ایف سی بنجلانی دستیگ کنگ بندات کُتگ –

جارکش ءَ گوشتگ کہ نوشکی ایف سی ھیڈکوارٹر ءِ سر نُھ بلوچ پدائیاں بیست ادار ءَ تاں وتی دستیگی برجاہ داشتگ ءُ کساس سد پوجی کارمند کُشتگ وتی شھیدی کبول کتگ وھدیکہ پنجگور ءِ ایف سی بنجل ءِ سر ءَ دو روچ ءِ گوزگ ءَ پد مجید برگیڈ ءِ دستیگی مھکمی ءَ گوں برجاہ انت اے میان ءَ آھاں ھپتاد ءُ پنچ ءَ چہ گیش پوجی کُشتگ ءُ یک بالگرد ءُ یک ڈرون ءِ ھم جتگ –

جارکش جئیند بلوچ ءَ دیمتر ءَ وتی درشان ءِ تہ ءَ مروچی بولان ءَ پوج ءِ گاڑی ءِ سر ءَ بوتگیں اُرش ءِ زمہ واری منّ اِتگ گوشتگ کہ مئے سرمچاراں مروچی آدینگ ءِ روچ ءَ بولان ءِ دمگ انڈس زورگیریں پاکستانی پوج ءِ یک گاڑی ءِ تراکناکیں شوروانی نشانگ جوڑ کتگ –
جارکش ءَ گوشتگ کہ بی ایل اے ءِ سرمچاراں دژمن پوج ھما وھد ءَ تراکناکیں شوروانی نشانگ جوڑ کتگ وھدیکہ آ وتی واست ءَ راشن برگ ءَ بوتگ انت – تراک ءِ زد ءَ اتکگیں یک پوجی کارمند ءِ مُرتگ ءُ دو زدگ بوتگ انت –