نوشکی ءُ پنجگور ءَ پوجی ھیڈکوارٹر ءِ سر ءَ اُرش

بلوچستان ءِ شھر نوشکی ءُ پنجگور ءَ سلاہ بنداں فرنٹیئر کور ءِ ھیڈکوارٹرز اُرشانی نشانگ کرتگ اَنت-

ٹی بی پی ءَ سر بیتگیں ھالانی رد ءَ نوشکی ءَ ترندیں تراکے ءَ پد ترندیں تیرگواری ءُ تراکانی توار دو اداراں برجاہ بیتگ اَنت-

تراک ءِ سبب ءَ نزیکیں ماڑیانی شیشگ پروشتگ اَنت دمگی مردمانی رد ءَ اولی تراک ڈی سی آفس ءِ نزیک ءَ فرنٹیئر کور ءِ بنجاھی گیٹ ءِ سر ءَ بیتگ –

گڈی ھالانی رد ءَ تراک ءُ تیرگواری برجاہ بیتگ اَنت ھمے وڑ ھیلی کاپٹر نوشکی ءَ سر بیتگ اَنت ءُ آیاں نوشکی ءَ ھیڈکوارٹر ءَ نندگ مشکلانی دیمپانی بیتگ-

دومی نیمگ ءَ بلوچستان ءِ شھر پنجگور ءَ بمب تراکے بیتگ ءُ پد ءَ تیرگواری بیتگ دمگی مردمانی رد ءَ تراک سک ترند بیتگ ءُ زمین جنز اِتگ –

ھمے وڑ ءَ ھب ءَ سنگ مرمر ءَ لوڑیں ٹرکے ءِ تہ ءَ تراکے بیتگ –

بلوچستان ءِ دمگ لسبیلہ ءِ باپاری شھر ھب ءَ سنگ مرمر بروکیں ٹرک ءِ نزیک ءَ تراکے بیتگ-

ھالانی رد ءَ ھب چوکی ءَ سراوان ھوٹل سیوک سینٹر ءِ نزیک ءَ سنگ ءَ لوڑیں ٹرکے ءِ نزیک ءَ تراکے بیتگ، تراک ءَ جانی تاوانانی ھال نیست اِنت –

ھب پولیس ءُ ایف سی ءِ کارمند تراک جاہ ءَ سر بیتگ ءُ پَٹ ءُ پول کنگ ءَ اَنت-

پولیس ءِ رد ءَ تراک ٹرک ءِ تہ ءَ بیتگ دگہ درگتاں پٹ ءُ پول بیف ءَ اِنت ءُ پولیس ءَ ٹرک ءِ ڈرائیور ءُ کلینڈر گپتگ اَنت-