روکپتی بلوچستان: آمیدگس ءِ پرمان ءَ پنچ سالاں بندیگیں بلوچے پاھو دیگ بیتگ

روکپتی بلوچستان ءِ بنجاھی شھر دزاپ ءَ ایرانی آمیدگس ءِ پرمان ءَ پنچ سالاں بندیگیں بلوچے پاھو دیگ بیتگ –

پاھو دیگ بیتگیں مردم ءِ پجار ناصر سھراب زئی ء گلام جھمنند سھراب آباد زاھدان ءِ نام ءَ زانگ بیتگ –

ھالانی تہ ءَ گوشگ بیتگ ناصر پنچ سال ءَ ساری نشہ باپاری ءِ بھتام ءَ گرگ بیتگ –

اھوالاں گوشگ بیتگ پنچ سال ءَ ساری گرگ بیتگیں ناصر ءِ سر ءَ گوستگیں سال ءِ پاھو ءِ پرمان اتکگ بیتگ بلے آ گوستگیں روچاں پیسر جیل ءَ کشگ ءُ پاھو جاہ ءَ برگ بیتگ –

بلوچ کمپعن فعالین ءِ رد ءَ گوستگیں سال ءَ ھپتاد ءُ نُھ کس پاھو دیگ بیتگ اَنت کہ اشانی سِی ءُ چارکس نشہ باپاری ءِ بھتام جنگ ءُ پاھو دیگ بیتگ اَنت، ھپت کوشانی بھتام، چار سرکار ءِ ھلاپ، سَے وت ماں وتی جنگ ءُ چوپانی آسر ءَ آ دگہ بیست کسانی بارو ءَ سرپدی نہ بیتگ –