ھب ءِ بازار ءَ بمب تراکے بوتگ

سربوتگیں ھالانی رِد ءَ بلوچستان ءِ باپاری شھر ھب ءَ بمب تراک ءِ توار بوتگ –

اھوالکارانی رِد ءَ مروچی پنچ شمبے ءِ شپ ءَ ھب ءِ بازار ءَ کوسٹ گارڈ بنجل ءِ نزیک ءَ بمب تراک ءِ کنگ بوتگ – بلے تنی وھدی دمگی واکدارانی نیمگ ءَ چہ اے درگت ءَ ھچ وڈیں ھال شنگ نہ کُرتگ –

زانگ بہ بیت بلوچستان ءِ دمگ ھب ءَ پاکستانی پوج ءِ سر ءَ اشی ءَ پیش ھم باز براں اُرش کنگ بوتگ کہ آھانی زمہ واری بلوچ آجوئی لوٹوکیں سلاہ بندیں گلاں منّ اِتگ انت بلے تنی وھدی اے اُرش ءِ زمہ واری ھچ گل ءَ نہ منّ اِتگ –