ھب ءُ پنجگور ءَ پولیو باسکے ءَ ھوار دو مردم بیران، یکے زدگ

بلوچستان ءِ دو جتا جتائیں جاھاں دگ ءِ وئیلاں پولیو باسکے ءَ ھوار دو کس بیران، یکے زدگ –

سر بیتگیں ھالانی رد ءَ بلوچستان ءِ باپاری شھر ھب ءَ ڈمپر ءُ پرپٹ ءِ میان ءَ پیش اتکگیں ٹکر ءَ پولیو باسکے بیران بیتگ –

بیران بیتگیں پولیو باسک ءِ پجار وسیم احمد ءِ نام ءَ زانگ بیتگ، وئیل ھب ءَ ساکران ءَ پیش اتکگ کہ اود ءَ ڈمپر ءُ پرپٹے ءَ ٹکر وارتگ چریشی ءَ پولیو باسک بیران بیتگ –

وئیل ءَ پد بیران بیتگیں پولیو باسک ءِ لاش چست کنگ ءُ ھسپتال ءَ برگ بیتگ –

ھمے وڑ ءَ پنجگور ءَ دگ ءِ وئیلے ءَ زھگ بیران بیتگ ءُ پت زدگ بیتگ –

گیشیں ھالانی رد ءَ پنجگور ءِ دمگ فتح علی گوارگو ءَ دو زمیاد گاڑیانی کراسنگ ءِ وھد ءَ وئیل پیش اتکگ کہ چریشی ءَ زھگ بیران بیتگ ءُ پت زدگ بیتگ –

زدگ ءُ بیران بیتگیں ھردو پت ءُ چک اَنت پنجگور دمگ گوارگو وادانو ءِ جھمنند گوشگ بیگ ءَ اَنت –