شال ءُ کراچی ءِ دگ ھونی ئیں دگ جوڑ بیتگ اَنت- اصغر علی

اُستانی پتر ءِ باسک ءُ اے این پی ءِ رھشون اصغر علی ترین ءَ گوشتگ کہ شال ءُ کراچی دگ ھونی ئیں دگ جوڑ بوتگ انت کہ ھمک روچ دگ ءِ وئیل بوگ ءَ انت –

اصغر علی ءَ اُستانی پتر ءَ تران کنان ءَ گوشتگ کہ گوستگیں روچ ءَ ھمے دگ ءِ سر ءَ کھولے شال تاں کراچی ءَ روگ ءَ بوتگ انت کہ وئیل ءَ کھول ءِ چار مردم بیران بوتگ اَنت –

آئی ءَ گوشتگ کہ یکیں کھول ءَ چار مردمانی بیرانی پدردی اِنت –

آئی ءَ گوشتگ کہ اے دگ ءِ سر ءَ ھمک روچ وئیل بوگ ءَ انت گوستگیں روچ ءَ سنیٹ ءِ سرکماش ءِ برات ھمے دگ ءَ وئیل ءِ آماچ بوتگ ءُ بیران بوتگ اے سوبائی سرکار ءُ وفاقی سرکار ءِ سر ءَ پرز انت کہ گامگیج بہ زور انت –

اے این پی رھشون ءِ گوشگ ات کہ مار ءَ بازیں وھدے بیت کہ اشکُنگ ءَ ایں کہ شال تاں کراچی ءِ دگ فزیبلٹی بیت بلے راستی ءَ ھچ بوگ ءَ نہ انت ما ھچ وڑیں پرتکالی یا موٹروے ءِ لوٹ ءَ کنگ ءَ نہ اِنت بس ھمے گوش ایں اے ھونیگیں دگ دو نیمگ بہ بیت –