لاھور: تیرگواری ءَ اھوالکار بیران

لاھور پریس کلب ءِ دیم ءَ ناشناسیں پرپٹ سواریں مردماں تیرگواری کرتگ ءُ ھندی اھوالکار کُشتگ –

کُشگ بیتگیں اھوالکار ءِ پجار نجی ٹی وی ءِ کرائم رپورٹر حسنین شاہ ءِ نام ءَ زان بیتگ –

حسنین شاہ وتی گاڑی ءَ سوار بیتگ ءُ پریس کلب ءَ آیگ ءَ بیتگ، آئی ءِ سر ءَ تیرگواری کنگ بیتگ ءُ چریشی ءَ ھما دمان ءَ بیران بیتگ –

آئی جی پنجاپ راؤ سردار علی خان ءَ اھوالکار ءِ کوش ءِ سر ءَ گامگیج زوران ءَ سی سی پی او لاھور ءَ رپورٹ ءِ لوٹ کرتگ –

تیرگواری ءَ جرمکارانی دزگیر کنگ ءِ پرمان بیتگ ءُ آئی جی پنجاپ ءَ گشتگ سٹی ءِ کیمراھانی کمک ءَ جرمکارانی دزگیری ءُ پجار سرجمی بیت کنت-

راؤ سردار علی خان ءِ پرمان ءَ ڈی آئی جی انویسٹی گیشن لاھور ءَ وئیل ءِ پَٹ ءُ پول وتی دست ءَ کرتگ –