منی جِنکیں چُک علی گل بوہڑ ءَ آوار جتگ گوں وت برتگ

بولان ءِ دمگ ڈھاڈر گریب آباد ءِ جھمنندیں غلام رسول ءَ وتی لوگبانک ءِ ھمراھی ءَ ڈھاڈر پریس کلب ءَ اھوالکاراں گوں تران کنان ءَ گوشتگ کہ منی جِنکویں زھگ کہ آئی ءِ اُمر چاردہ سال انت علی گُل ءُ آئی ءِ پت حیدر علی، ناکو غلام ءُ دگہ وزیر نامیں کہ آھانی سیاد انت ھور بوتگ آوار ءِ جتگ ماھے ءَ پیسر اشانی بگیری ءَ من ارزی نبشتہ کنائینتگ بلے تنی وھدی کتکار دزگیر کنگ نہ بوتگ انت –

آھانی گوشگ ات کتکارانی دست دیر سک انت ھمے ھاتر ءَ پولیس ءِ نیمگ ءَ ھچ وڑیں گامگیج زورگ نہ بوتگ آھانی گوشگ ات کہ پولیس مئے گوم ءَ ھک کنگ ءَ نہ اِنت ھستیں وھدے سرکار مئے گوم ءَ ھک بہ کنت – ھک لوٹگ لوٹگ ءَ ما مایوس بوان انت شپ ءِ تہاری ءَ واب ءَ چہ بُست کن ایں ھاوند ءِ در ءَ پریات کن ایں – گریب ءُ بے وسی ءِ سوب ءَ ھچ کس مئے درداں نماریت ما پہ پریات کئی در ءَ بہ ٹکیں –

آھانی گوشگ ات کہ آئی جی پولیس، بلوچستان ءِ سر وزیر نوٹس بہ زور انت کتکارانی بگیری ءَ کانودی کاروائی بہ کن انت ءُ آھاں لوٹ کتگ کہ مئے گوم ءَ ھک کنگ بہ بیت –