پنجاپ: شاھدربرجاہ ءِ ھاسٹل ءَ بیڑ، بلوچ ءُ پشتون لٹ شاپ کنگ بوتگ انت

پنجاپ ءِ بنجاھی شھر لاھور ءَ گوستگیں شپ ءَ لاہور شاھدربر جاہ ءِ بلوچ ءُ پشتون نودربرانی کوٹیانی سر ءَ بیڑ برگ بوتگ ءُ نودربر لٹ شاپ کنگ بوتگ انت –

چہ پنجاپ شاھدبرجاہ ءَ پارگ بوتگیں پروگریسو سٹوڈنٹس کلیکٹو، فیمنسٹ کلکٹیو ءُ حقوق خلق تحریک ءِ باسک اورنگزیب ءَ چاگردی ترامجاہ ٹوئیٹر تامر ءِ شنگ کرتگ ءُ نبشتگ کہ انارکلی تراک ءَ پد لاھور ءِ واکدارانی نیمگ ءَ چہ پنجاپ شاھدربرجاہ ءَ جماعت اسلامی ءِ ناشرکارانی گوشگ ءِ پد ءَ بلوچ ءُ پشتونانی شپ ءِ ادار دو ءَ پٹ ءُ پول کنگ بوتگ اَنت –

آئی ءَ گوشتگ کہ ناشرکار گلانی بدل ءَ نودربرانی اے وڑ ترسینگ ایرجنگی املے مروچی نودربراں جمیعت ءُ پنجاپ ایڈمنسٹریشن ءِ بگیری ءَ رونک کش اِتگ –

گوستگیں شپ ءَ بوتگیں وئیل ءِ بگیری ءَ نودربراں مزنیں کچے ءَ زھرشانی کتگ ءُ روانک کش اِتگ –

نودربر رھشونانی گوشگ ات کہ جمعیت گوشگ ءِ پد ءَ بلوچ ءُ پشتونانی بگیری ءَ پولیس ناشری ایرجنگی انت –

نودربرانی رِد ءَ شپ ءِ ادار دوازدہ ءَ یونیورسٹی ءِ ھاسٹل ءَ پولیس ءِ مزنیں کچے ءَ بلوچ ءُ پشتون نودربرانی کوٹیاں پُتر اِتگ ءُ آ چہ واب ءَ پاد کرتگ انت آھانی پجار کارڈ پچ گپتگ انت آھانی اکس گپتگ انت –

پشتون تحفظ مومنٹ ءِ رھشون آغا زبیر ءَ ھم چاگردی ترامجاہ ٹویٹر ءَ یک تامر ءِ شنگ کرتگ ءُ گوشتگ کہ لاھور تراک پد پنجاپ پولیس ءَ پنجاپ شاھدربرجاہ ءَ شتگ ءُ بلوچ ءُ پشتون نودربر کوٹیاں چہ درکتگ ءُ کوٹی پٹ ءُ پول کتگ انت –

آئی ءَ گوشتگ کہ ناشرکارانی دلبڈی دیوک ءُ جوڑ کنوکیں ریاستی ادارہ ناشرکارانی دزگیر کنگے بدل ءَ نودربراں ترسینگ انت –