میڈیکل نودربرانی زھرشانی بُنجل ءَ 45 روچ سرجم بوتگ

میڈیکل کمیٹی الائنس ءِ نیمگ ءَ شال پریس کلب دیم ءَ جتگیں زھرشانی ئیں بُنجل ءَ 45 روچ سرجم بوگ ءِ ردءَ یک درشانے شنگ کتگ ءُ گْوشتگکہ شال ءَ برپبندیں سارتی ءَ سے میڈیکل کالجز مکران ، جھالاوان ءُ لورالائی میڈیکل کالجز نودربر وتی آئینی ءُ جائزیں ھکانی ھاتر ءَ راھبندیحدءُ بندانی تہءَ نشتگ ءُ زھرشانی کنگ ءَ اَنت بلے بژن اِنت کہ صوبائی ھکومت ءُ محکمہ صحت ءِ نیمگ ءَ ھچ وڑیں گامگیج زورگ بوگ ءَ نہ اِنت-

آیاں گْوشتگ کہ جانسلامتی وڑیں پڑ ءَ گوں سیادی داروکیں اے نودربر وتی وانگ ءُ باندات رکینگ ءِ ھاتر ءَ پی ایم سی ءِ نیمگ ءَ چہ یک بے زمہواریں ءُ نودربرانی زندمان ءَ چارگ ءَ بید یک نوٹیفکیشن ءَ نودربر دگانی سر ءَ دراھگ لاچار کتگ اَنت چریشی ءِ سبب ءَ چہ گوستگیں 45 روچاںچہ میڈیکل نودربر زھرشانی ئیں بُنجلے جتگ ءُ زھرشانی کنگ ءَ اَنت بلے صوبائی ھکومت ءُ محکمہ صحت ھردوھیں واب ءَ اَنت ایشاں ناںمحکمہ صحت ءُ ناں جانسلامتی وڑیں پڑ ءَ سیادی داروکیں نودربرانی پکر اِنت-

میڈیکل کمیٹی الائنس ءِ نیمگ ءَ چہ دیمتر ءَ گْوشگ بوتگ کہ اے سرجمیں زھرشانی ءَ مارا اپوزیشن ءِ پارٹیانی کردگار گندگ نیاھگ ءَ اَنت ھمے وڑآھاں بُنکی جیڑھانی سر ءَ توار چست کنگی اَت اے پارٹی ھمے وڑ مئے ھاتر ءَ توار چست کنگ ءَ نہ اَنت کہ آیانی کارکردگی یک مزنیں جستاِنت-

آیاں گُڈی ءَ گْوشتگ کہ اگاں کجام ھم سانمندیں  نودربراں چہ یکے ءَ ھم زندمان ءَ بیزار بیت ءُ تُرندیں گامے چست کُت اگں وتءَ تاوان دات گُڑاآیانی زمہ وار صوبائی حکومت ءَ ھوار وزیر صحت سیکرٹری صحت سر ءَ بیت-