ڈاکٹرانی پُرایمنیں زھرشانی ءِ سر ءَ پولیس ءِ لٹ شاپی درشان آزاتی سر ءَ بندش جنگ انت انت – این ڈی پی

نیشنل ڈیموکریٹک پاٹی ءِ بنجاھی جارکش ءَ رسانکدراں وتی شنگ کرتگیں درشان ءِ تہ ءَ گوشتگ کہ بلوچستان ءِ نااھلیں ھاکمانی مدامی ھمے دود بوتگ کہ تانکہ وتی جائزیں ھک ءُ لوٹانی ھاتر ءَ زھرشانی ءِ راہ گچین کنگ نہ بیت گڈا جیڑہ ءُ جنجالانی درگت ءَ ھاکم وش واب انت – اے سرکار ءَ ھچبر پُرایمنی ءَ ھر تک ءُ پھناتاں سیادی داروکیں مردمانی جیڑہ جنجال بید ءِ زھر شانی ءَ گیشگیوار نہ کرتگ انت –

جارکش ءَ گوشتگ راجی جیڑہ ھاسکر زانت ءُ جانسلامتی چوش کہ ھر وڑیں مردمی ءِ ھاتر ءَ المی انت ءُ ھر پاٹی بنکی ترجیحات آنی تہ ءَ اے ھوار بہ بنت بلے بدکستمی ءَ اے وھدی بلوچستان ھمک روچ ھمے جیڑھانی درگت ءَ زھرشانی بوھگ ءَ انت بلے ھر وھد ءَ کہ زھرشانی کنگ بیت اتنت گڈا سرکار پولیس راہ دنت ءُ لٹ شاپ کنائینیت – چونائی ءَ سرکار ءِ زمہ داری انت کہ درسیں مردمانی بنکی لوٹاں پورا بہ کنت – ھمے ھاتر ءَ ھر وڈیں زھرشانیاں تاکت ءِ زور ءَ ھلاس کنگ انسانانی بنکی ھکانی لگتمالی ءُ آزاتیں درشان دئی ءِ سر بندش لیکگ بیت اتنت –

جارکش ءَ گوشتگ کہ سرکار وتی زمہ داریاں چہ بری الزمہ بوت نہ کنت ھمے ھاتر ءَ ھر وڈیں گیر کانودی ھکم دئیگ ءَ ریاست مھلوک ءِ پریاتانی اشکنگ ءَ یل کنگ نہ بیت – ریڈ زون ءِ ھنر ءُ ھیلاھاں ڈاکٹرانی سر ءَ لٹ شاپ ءُ آھانی دزگیری ءَ ایر جن ایں –

آئی ءَ گوشتگ کہ ھستیں وھدے سرکار ءَ گوں لوٹ کنیں کہ آ ڈاکٹرانی جیڑہ ءَ وشی ءَ گوں گیشگیوار بہ کنت پرچاکہ ڈاکٹرانی زھرشانی سوب ءَ گوستگیں بازیں روچاں نادراھجاہ ءُ آھانی او پی ڈیز بند انت چریشی ءِ سوب ءَ نادراھاں بازیں اڈوجنجالانی دیمپانی کنگ کپگ انت –